ni Rey Briccio A. Alesna
Talagsaong binuhat ang nakita ni Joven sa pagbuka sa iyang mga mata.
Daw birhen, daw anghel ang hitsura sa babae nga nag-atiman sa iyang mga
samad sa abaga ug bukton.
Taas ug taliwtiw ang iyang ilong, nipis ang iyang ngabil,
taas ang buhok ug puti ang pamanit.
Niigham si Joven ug niingon, “Pasayloa ko, senyorita, apan
mangutana lang unta ko kon anaa na ba ko sa langit?â€
Mipahiyom ang babaye ug mitubag, “Ania ka sa balay ni
Don Florencio Noel, Alkalde sa Kabkad.
Ako si Beatriz, bugtong niyang anak. Nakaplagan ka ug si Heneral Pantaleon Villegas
niadtong miaging adlaw sa sapa luyo sa among lagwerta.
Kamong duha walay mga panimuot busa dali mo namong giamuma.â€
Mitubag si Joven, “Kumosta man si Heneral, senyorita?
Ug unsa man diay ta karong adlawa?†Matod ni Beatriz, “Huwebes
Santo, Abril 7, 1898. Si Heneral maayo ra. Daghan og buslot agi sa
bala sa riple ang iyang uniporme, apan wala gayuy tatsa o samad
ang iyang kalawasan. Kahibulongan kaayo!â€
Mihinayhinay pagbalik sa panumdoman ni Joven ang
panghitabo sa miaging mga adlaw; ang ilang pagsulong sa Cota
San Pedro nga maoy simbolo sa kagamhanang Espanya sa tibuok
Sugbo. Klaro kaayo sa iyang pangisip ang duguong kumbati, ang
makalilisang pinusilay ug manomano nga tinigbasay; ang hilak sa
mga samaran ug himatyon; ug labi nga tataw kaayo sa alimpatakan
ni Joven ang kaisog ni Heneral Villegas nga niuna pagdasdas sa
mga Katsila; ang iyang way kahadlok nga pag-asdang hangtod
nga siya natumba. Nagtuo si Joven nga wala na ang heneral– nadisgrasya na.
Unya sa sunod siplat niya nibangon ang heneral ug dali nga
niawhag nilang tanang mga Katipunero sa pagsinggit, “Mabuhi ang Katipunan!â€
Maorag kilat ang panglihok sa heneral nga nakig-away sa
mga Katsila. Tukma gayud ang iyang anggà nga “Leon Kilatâ€.
(sumpayan pa..)
Linkback:
https://tubagbohol.mikeligalig.com/index.php?topic=25773.0