(a poem of yesteryears. i was 20 or 21 when i wrote this.)
1.
“Naminyo na ra ba si Jo-anne.â€
Naisa ang mga kilay. “Mao ba?†Murag napugwat.
“Iyang manghod gaingon nako.â€
“Kanus-a sya gikasal?†Panagway naminghoy.
“Wa ko kapungatana. Kadali ra kaayo mi nag-estorya.â€
“Kinsa kaha iyang nabana?†Luya ang tingog. “Basin
kadtong seaman...†Tubag sa kaugalingong sukna -
dihay hilom nga pagtuaw,
mga pagpanghupaw sa kalag.
2.
Kahilom.
Pangisip inanayng giganoy ngadto sa kapunawpunawan
sa napalid nga mga adlaw;
mga paghandom nanganawkanaw. Nanuyhakaw.
Naabli ang ganghaan
sa nagkalayong sugilanon.
Mga bintana sa gumunhap
takulahaw natukas:
nawiwi, naoktaba ang
atop sa mga paghanduraw.
3.
Kahilom.
Nabantang ang mga handumanan
sa pahiyom,
kaguol,
kahangawa,
kamingaw,
lakip ang kalipay.
Nabati ang talidhay
sa mga sungog,
pagpangluod,
pagselos,
pagpasuya,
lakip ang paggara-gara.
Ug sa kataposang yugto miginhawa
ang paglaom nga maangkon ka.
Ug gihaya ang akong mga pangandoy.
Gitukbil,
gikusi
ang mga luha
sa atong kagahapon.
4.
Kahilom.
written by
www.mikeligalig.comLinkback:
https://tubagbohol.mikeligalig.com/index.php?topic=157.0