MikeLigalig.com

(a poem of yesteryears. i was 20 or 21 when i wrote this.)

1.
“Naminyo na ra ba si Jo-anne.”
     Naisa ang mga kilay. “Mao ba?” Murag napugwat.
“Iyang manghod gaingon nako.”
    “Kanus-a sya gikasal?” Panagway naminghoy.
“Wa ko kapungatana. Kadali ra kaayo mi nag-estorya.”
    “Kinsa kaha iyang nabana?” Luya ang tingog. “Basin
       kadtong seaman...”  Tubag sa kaugalingong sukna -
                   

dihay hilom nga pagtuaw,
                    mga pagpanghupaw sa kalag.

2.
Kahilom.
Pangisip inanayng giganoy ngadto sa kapunawpunawan
                    sa napalid nga mga adlaw;
mga paghandom nanganawkanaw.  Nanuyhakaw.
Naabli ang ganghaan
sa nagkalayong sugilanon.

    Mga bintana sa gumunhap
         takulahaw natukas:
             nawiwi, naoktaba ang
atop sa mga paghanduraw.

3.
Kahilom.
Nabantang ang mga handumanan
                    sa pahiyom,
                    kaguol,
                    kahangawa,
                    kamingaw,
                    lakip ang kalipay.
Nabati ang talidhay
                    sa mga sungog,
                    pagpangluod,
                    pagselos,
                    pagpasuya,
                    lakip ang paggara-gara.

Ug sa kataposang yugto miginhawa
ang paglaom nga maangkon ka.

Ug gihaya ang akong mga pangandoy.

Gitukbil,
        gikusi
ang mga luha
sa atong kagahapon.

4.
Kahilom.

written by www.mikeligalig.com

Linkback: https://tubagbohol.mikeligalig.com/index.php?topic=157.0

Mr. Admin,kinsa si Jo-anne?

Linkback: https://tubagbohol.mikeligalig.com/index.php?topic=157.0

Gen ug Ginger, ayaw nalang ako pangutan-a aron dili na maugkat ang mga uwat sa kagahapon.

Linkback: https://tubagbohol.mikeligalig.com/index.php?topic=157.0

Haay.... mahinumdom man lapod ko ini sa Una kong Pag-ibig nga wa malahos pod.

Mike,  you are a great poet why not writing a book? or..... anykind of romatic impression.

am sure it will work

Linkback: https://tubagbohol.mikeligalig.com/index.php?topic=157.0

Ako ju'y unang mopalit.

Linkback: https://tubagbohol.mikeligalig.com/index.php?topic=157.0

maka relate lagi ko cel.  :'(

Linkback: https://tubagbohol.mikeligalig.com/index.php?topic=157.0

There will be a poetry book (Bisaya) by yours truly to be printed perhaps in Germany. Still looking for funds to finance the printing.

Linkback: https://tubagbohol.mikeligalig.com/index.php?topic=157.0

Let me think about this, Zel. 

Linkback: https://tubagbohol.mikeligalig.com/index.php?topic=157.0

Hi.... why not creating a funds from TB for this case-I think Bambi can't stand alone?.... if it is already printed 100% i will buy and read those..

Linkback: https://tubagbohol.mikeligalig.com/index.php?topic=157.0