Kining akong balak kinasing kasing jud ni nakong gibuhat.I dedicate this one sa mga tawo sa among isla sa pangangan,calape.
Ikaw ang tulay sa lamdag nga kaugmaon
Singot,dugo,kahago ug kusog ang imong gigikanan.
Gipas-an ikaw sa abaga sa among katigulangan
Aron ikaw mapuslan
Gitapok ikaw ug hinayhinay hangtud nahimong tulay
Sa wala mo lang damha nga ikaw diay puslan
Nagtuo ka nga magpabilin ka lang sa kahilagman sa kadagatan
Ang Mahal nga Bathala dako ug plano kanimo
Iyang gibuhian ang mabangis niyang hangin ug bagyo
Aron ikaw tapukon duol sa hunasan
Pila ka tuig usa ikaw nahulma
Gidungog sa Ginoo ang mga pangaliya sa mga katigulangan
Nga ugma damlag ikaw mahuman ug kalakwan
Saksi ikaw sa mga pagpangga kanimo.
Giamuma sa mga lumolopyo sa isla
Gitamnan ka ug mga pagatpat ug bakhaw
Aron ikaw panalipdan sa kusog ug bangis nga hampak sa mga balod.
Bato nga naghumol sa kaparat sa dagat
Katam-is kanamo ang imong dala
Mas mahal pa ikaw sa bulawan
Dili ikaw kabayran ug salapi
Ikaw ang tulay sa lamdag nga kaugmaon sa isla sa Pangangan....
Linkback:
https://tubagbohol.mikeligalig.com/index.php?topic=4372.0