Ang Angklaby: BugsaySA lawod sa mga pangandoy
Ug sa pagkinabuhi nga puno sa kakapoy
Lig-onon ang pisi sa paghikot
Sa sog sa pagsuway dili malagpot.
I tos-tos ang angkla sa halawom nga naglagitum.
Kay nagkilay na ang masuk-anong dag-om
Ning kasa na ang nibuliskad nga mga balud
Agig pagtahod sa hangin nga lawod-lawod.
Aninawa kon hugot pa ba
Ang pisi sa banting nga bag-o lang gidupa
Balik aninaw sa halayo nga lapyahan nga gigikanan
Kay basin naanod ka na ug sa layong dapit gilaran.
Matagbaw ra ‘nya ang unos nga sa kahuyang naglatos
Mogil-it ang kahayag ug ang kalinaw mobanos
Mogilak ang banagbanag sa masaarong pagsubang sa adlaw
Maalamon ang tawo nga wa matarog ug sa pagsuway di motalaw..
Linkback:
https://tubagbohol.mikeligalig.com/index.php?topic=25896.0