Author Topic: TUKMANG LAKANG ALANG SA MGA BALAANG ADLAW  (Read 870 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
TUKMANG LAKANG ALANG SA MGA BALAANG ADLAW
« on: March 29, 2012, 08:32:19 AM »
Ang desisyon sa mga munisipalidad sa isla sa Bantayan nga dili magtugot og mga kalingawan nga makabalda sa pagtimaan unya sa Semana Santa angayan nga sundogon sa ubang mga dapit nga nagpalambo og mga dili tukmang kalihokan atol sa maong mga mahal nga adlaw.

Tinukmod sa komersyo sa turismo, ang Semana Santa, tungod sa hataas nga panahon nga walay trabaho, gipahimuslan sa daghang mga establisamento ug mga lokal nga kagamhanan sa pagpasiugdag mga lulinghayaw nga misamad sa mga pagabti sa mas daghan, nga naghupot gihapon sa sentimento nga kining mga adlawa balaan ug angayan nga itimaan sa kasolemne.

Aduna hinooy anaa sa opinyon nga gawasnon ang si bisan kinsa nga mohimog mga kalihokan bisan kon ang usa ka relihiyon dili mouyon niini basta dili lamang kini kriminal nga buhat. Ug nga ang mga kalingawan nga ipahigayon, bisan kon kini dili tugma sa relihiyosong panglantaw sa sa us aka komunidad sa pagtuo, dili angayan nga pugngan.

Apan ang pagdili niining mga kalihokana dili kwestyon sa legalidad kondili sa pagrespeto sa tradisyon sa usa ka pagtuo, diin lakip niini ang relihiyong Catolico, kansang pagpahigayon sa mga tulumanon niini maoy dugokang hinungdan nga kining mga adlawa gideklarar sa kagamhanan sukad pa sa kanhiay nga mga adlaw nga walay trabaho.

Sama nga bisan ang mayoriyang mga Cristohanong Pilipinhon motahud gayud sa mga adlaw diin saulogon sa tibuok nasud ang pangilin sa ubang  mga pagtuo, pananglit sa Ramadan sa pagtuong Islam, ug maglikay og mga lihok o kalihokan nga modisrespeto sa ilang matuohanong pagbati.

Sa laing bahin, ug subay niining atong pagtukbil sa paghigpit sa mga lungsod sa Bantayan sa mga kalingawan panahon sa Semana Santa, kita usab unta mapahinumduman nga sa atong bahin aduna kitay kaakohan sa angay nga lihok ug pagsaulog niining mga adlaw sa paghandum.

Kay raba milipang ang maong mga kalihokan, dili lamang didto sa maong isla kondili lakip na sa ubang mga dapit, tungod ra usab sa mga mipahimulos niini diin nagdaghan ang mga Catolico.

Kon ato lang gayud nga tamdan ang diwa ug katuyoan sa Kwaresma, nga nag-andam kanato sa pagsaulog sa Semana Santa, makahuna-huna unta kita nga ang atong pagpugong sa kaugalingon gikan niining mao mga kalingawan, kondili man gani mga kahilayan gayud, atong gamay nga paagi sa pag-ambit sa sakripisyo ni Cristo alang sa atong kaluwasan.

Nga kon mamati lamang kita sa mga pagpanudlo sa atong pagtuo ug mosanong sa panawagan sa atong Simbahan, nga kining mga balaang adlaw sa Kwaresma ug Semana Santa mga panahon unta nga gipahigayon alang kanato aron kita mahibalik ug mapaduol sa Dios, dili na unta kita maghuwat pag mga pagdili gikan sa atong mga autoridad kay lagi kita na mismo ang mobuyag sa atong kaugalingon gikan niining mga butanga. -- http://www.bagonglungsoranon.com/

Linkback: https://tubagbohol.mikeligalig.com/index.php?topic=48816.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: