MikeLigalig.com

2010 Cebuano News: Moral Recovery Program ug CSWD mitunol sa hinabang
Butuan City - Gibisita ni Halandong Mayor Ferdinand M. Amante, Jr. uban ang City Social Welfare and Development (CSWD) ug Moral Recovery Program Team ang Bagong Silang, sakop sa Barangay San Mateo aron makapang-apod apod sa mga school T-shirts alang sa 50 ka benepisaryo ilalum sa Educational Research Development Assistance (ERDA).
Alayon niini ang makahatag suporta ang pangamhanan sa Syudad sa mga panginahanglan sa mga estudyante nga anaa sa malisod nga kahimtang.

Ug sa parehong adlaw giduaw usab ni Mayor Amante ang upat ka Barangay kauban gihapon ang Moral Recovery Program ug CSWD aron personal nga itunol ang upat ka wheelchair ngadto sa 4 ka baldado nga kaigsoonan. Ang mga recipient niini mao sila Madelyn Sarosal sa Barangay Bonbon, Kapt. Cristituto Rosales sa Brgy. Dulag, Arlyn Andaya sa Brgy. Sumile ug usa nga nagumikan sa Barangay Ambago.

Kini kabahin sa programa sa CSWD, ang Person’s with Disablity for Mobility/ Accessive -Decessive Program nga tumong mahatagan pagtagad ang ilang panginahanglanon.

Naggumikan ang pundo niini sa DSWD, pinaagi sa paningkamut sa atong pinanggang Mayor Ferdinand M. Amante, Jr. (Jovelyn C. Mejorada, Butuan City PIO/PIA-Caraga)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91836.0