MikeLigalig.com

Cebuano News: Gipahigayon nga Oplan Kaluluwa
by Gerry Galgao Gabiana
Butuan City (2 November 2010) -- Ang programang OPLAN KALULUWA gipahigayon sa ahensya niining atong dakbayan ang Land Transportation & Traffic Management Office (LTTMO) ug ang Civil Security Unity (CSU) gilunsad panahon sa kalag-kalag o paghandum sa mga mahal sa kinabuhi nga mipanaw sa laing kalibotan.

Giklaro ni Engr. Ferdinand Huqueriza ang tarung nga pagplano og paghan-ay sa dalan nga paga-agui-an sa mga katawhan aron dili gubot ug mamahimong husay ang pagpatigayun sa kasaulogan.

Matud ni Engr. Huqueriza nga nalatid ang plano para sa rerouting para maka-abot ang mga dumuduawng katawhan sa upat ka dagkung sementeryo sakop ni'ng dakbayan. Gibuhat ang plano sa maong Engineer aron malikayan ang kagubot ug matuman ang hapsay nga paghandum sa mga katawhan sa tibook rehiyon sa Caraga.

Gidugang niini ang pagpadayag nga masayun ug dali ang pagduaw sa sementeryu sa Golden Ribbon, Zamora, Libertad ug sementeryo dinhe sa syudad.

Gibana-bana nga dunay 111 nga mga traffic enforcer ang gitahasan ubos sa kamandoan ug pagtugot ni Butuan City Mayor Ferdinand M. Amante, Jr., aron mopahigayon ug magalihok sa peace and order.

Si Engr. Huqueriza nagkanayon nga ang maong programa abagan sa nagkadaiyang ahensya.

Sa laing bahin ang budget sa pagkaon sa mga traffic enforcer gihatagan usab sa igong pundo aron matutukan ang OPLAN KALULUWA Program. Apil usab ang pagpangandam sa dagkong karatola o "sign board" aron magiyahan ang mga katawhan lakip na ang mga motorista. (Butuan City PIO/PIA-Caraga)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91853.0