GMA handang magsalita ukol sa tapes - PalasyoCotabato City (24 June 2005) -- Muling tiniyak ng Malakanyang ang kahandaan ng Pangulong Gloria Macapagal-Arroyo na magsasalita kaugnay sa kontrobersyal na wire-tapping conversation sa tamang panahon.
Ayon kay Presidential Spokesperson Ignacio Bunye, mas pinagtoonan-pansin ngayon ng Pangulo ang mabibigat na suliraning kinakaharap ng bansa - ang economic problems at social pressures na lalo pang pinalala ng banta ng destabilisasyon.
Idinagdag pa ni Bunye na lehitimo ang pagkapanalo ni GMA sa pagkapangulo noong nakaraang 2004 Presidential election.
Nanawagan na rin ang Malakanyang sa oposisyon na tigilan na ang walang-katapusang banghayan sa politika na lalo lamang magdulot ng pagkakahahati-hati ng bansa at pagbagsak ng ating ekonomiya.
Hinimok din nito ang oposisyon na makipagtulungan sa pamahalaan at isaalang-alang ang kapakanan ng naghihirap na mamamayang Pilipino. (PIA)
Linkback:
https://tubagbohol.mikeligalig.com/index.php?topic=86591.0