Waray News: Pasilidades han DBP masuporta han edukasyon nga sektor ha pobre nga mga lugar
MANILA, Enero 31, 2012 (PIA) -- An DBP in agresibo nga nagduduso hin P10-billion Financing for Public Basic Education (FPBE) nga pasilidades nga may panuyuanan pagbulig ha paghatag hin serbisyo ha edukasyon labi na ngadto ha mga higbubo an kita nga mga komunidad.
Hi DBP president ug chief executive officer Francisco F. Del Rosario, Jr. in nagsering nga an pasilidad in mabulig han pagpauruupay han sistema han panpubliko nga eskwelahan pinaagi hin pag-aghat han lokal nga pan gobyernuhan pinaagi han local school boards nga mamuhunan ha mga pasilidades nga makakapaupay han pag-aradman ha panpubliko nga mga eskwelahan.
Hiya in nagdugang pa nga an FPBE in magtatarget han higbubo an kita nga mga komunidad, sugad han 4th ngadto 6th class nga mga munisipyo ug 4th ngadto ha 5th class nga mga probinsya. “Tatagan namon hin prayoridad an mga rehiyon nga nga nanginginahanglan hin mga pasilidad ha eskwelahan sugad han Central Luzon, Southern Luzon, Bicol, Central Visayas, Eastern Visayas, ug Southern Mindanao.”
An pasilidad in magpopondo han pagkaada hin tuna nga may panuyuanan para ha eskwelahan, ug pagtindog ngan pag-ayad hin mga classrooms, library, mga laboratoryo, restrooms, mga pahalibwayan, study area, ug iba pa nga pasilidades ha eskwelahan. An LGU nga mangurutang in makakakuha han pondo para han pagpalit han mga gamit sugad han armchairs, desks, bookshelves, audio-visual equipment, transportasyon ug school supplies ngan mga materyales.
* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>>
http://inv.re/9o3vpLinkback:
https://tubagbohol.mikeligalig.com/index.php?topic=92429.0