MikeLigalig.com

Cebuano News: Malaumon si Aquino ma-apil ang ASEAN sa G20 Summit karong Nobyembre
Hanoi, Vietnam (Nob. 2 2010) -- Nagpadayag og paglaum si Presidente Benigno Aquino III nga ang pag-apil sa Association of South East Asian Nations (ASEAN) sa G20 Summit mahimo nang usa ka institusyon.
Diha sa 13th ASEAN + 3 Summit dinhing dapita, ang Presidente miila sa suporta sa South Korea aron makasalmot ang ASEAN Chair sa tali-abot nga G20 Summit sa Seoul.

Ang South Korea maoy Summit chair karong tuiga.

"Our march towards a more equitably progressive region should not be stymied. It remains our collective goal to enhance the resilience of the regional economy against international volatility and external shocks," miingon ang Presidente.

Gitumbok niya nga ang Summit sa Seoul karong bulana usa ka anindot nga kahigayonan alang sa ASEAN sa pag-isa sa mga isyu nga dunay common interest.

Iyang gidugang nga ang pagpasutoy sa mga reporma sa mga international financial institutions aron pag-siguro sa pagsalmot ug ka-angayan maoy nag-unang mga kahingawa sa Pilipinas.

"As we in the global south cooperate among ourselves, there remains a need to establish a framework for sustainable growth and development through closer coordination between G20 countries and non G20 countries," pang-hingusog pa sa Presidente.

Natukod ang G20 sa tuig 1999 taliwa sa 1997 Asian Financial Crisis, aron mag-abot ang mga major advanced ug emerging economies sa tinguha nga mapakalma ang global financial market. Sukad sa iyang pagka-umol, ang G20 nakapatawag nag tinuig nga tigom sa mga Finance Ministers ug Central Bank Governors ug gipanghisgutan ang mga lakang pagduso sa financial stability sa kalibutan tumong sa pag-angkon sa sustainable economic growth and development.

Ang G20 gilangkoban sa mga finance ministers ug central bank governors sa 19 ka mga nasud, apil ang Argentina, Australia, Brazil, Canada, China, France, Germany, India, Indonesia, Italy, Japan, Mexico, Russia, Saudi Arabia, South Africa, Republic of Korea, Turkey, United Kingdom ug United State of America.

Ang European Union, kinsa gi-representahan sa ilang rotating Council presidency ug European Central Bank, maoy ika-20 nga sakop sa G20. (PIA-Southern Leyte)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91855.0