MikeLigalig.com

By Jay Millanar Apog Pocot
US POLITICS OPINION
(BISAYA PARA DAGHANG KASABOT)

JOE BIDEN ISIP USA KA "ONE" TERM PRESIDENT!

Bisan paman kung wala pa officially gitak-upan ang eleksyon sa America, apan ang initial nga mga taho nagpa kita nga labaw "kono" ang Democratic Challenger ug kanhi Bise Presidente Joe Biden. Base sa gipagawas nga report sa Fox News, si Biden nakakuha na ug 290 electoral votes ug  igo na kini para siya ang  molingkod nga bag-ong Presidente sa Amerika inighagtok sa alas 12 sa udto karong January 20, 2021. Si Biden ang ika-46 nga Presidente sa America human kini nahimugso isip usa ka nasud niadtong July 4, 1776 ug ningsipak gikan sa United Kingdom. Ang unang Presidente mao si George Washington.

CHALLENGE NI BIDEN
Atong atangan kung matuman ba gayud kaha ang gipasiatab ni Biden nga masulbad niya ang Covid-19 crisis sa America Kung siya ang molingkod. Kahinumdoman nga mao kini ang gigamit nga isyu sa tibuok Democrats batok ni President Trump diin pakyas kono ang Presidente sa pag sulbad sa crisis. Well, atong atangan ug unsa kahay labok aning "feeling" batan-on ug Maayong laki nga  77 anyos ug bag-ong Presidente Biden kung siya na unya ang modala sa renda sa pangagamhanan sa Whitehouse . Kay nangangkon man siya nga masulbad niya, siguro kaya ra niyang sulbaron ug papason ang pandemic sulod sa 30 diyas o usa ka buwan niyang paglingkod? Kay Kung dili gani masulbad ni Biden ang Covid-19 sulod sa 30 ka adlaw, nakaingon ko kadtong iyahang gipasiatab atol sa kampanya bunga rato sa iyahang pangidaron, kon sa ato pa, gi-ango-ango na nis Biden!

NGANONG DILI MA REELECTED SI BIDEN KARONG 2024?
Akong nakita nga ang 2020 elections may kaanggid kini sa 1976 US Elections. Kung atong balikan ang nahitabo niadtong 1976 US Presidential Elections, gipildi ang Incumbent US President ug Republican Standard Bearer nga si Gerald Ford ni Democratic Bet Jimmy Carter, 297-240 electoral votes. Ang gigamit nga isyu sa kampo ni Carter batok ni Ford mao ang iyahang pag. Pardon ni Ex President Richard Nixon. Lakbitan nato gamay nga si Gerald Ford lang ang Presidente nga wala na. Elect pagka Vice President o kaha President gikan sa Electoral College. Nahimo siyang Vice President human ang Bise Presidente kaniadto ni Presidente Nixon nga si Spiro Agnew ningresign. Pagboto sa Watergate scandal sa Administration ni Presidente Nixon, gipasakaan dayon ug impeachment sa House of Representatives si Nixon apan sa wala PA nakaluwat ug desisyon ang US House, mingresign si Presidente Nixon niadtong August 9, 1974 ug ubos sa Constitution, automatic nga molingkod ang kasamtangang Bise Presidente. Wala madugay sa dinhang ningbanos siya sa Whitehouse, gi pardon dayon ni Presidente Ford ang kanhi Presidente nga si Nixon niadtong September 8, 1974 pinaagi sa Proclamation 4311. Ang maong panghitabo ang gisumsuman sa Democrats ug gigamit nga isyu para mapukan nila si Ford.
Tuod man, pag-abot sa eleksyon 1976, pakyas si Ford sa iyahang tinguha nga ma. Reelected human siya pildiha ni Jimmy Carter.

Kung ato sang balikan ang panid sa kasaysayan, wala sad na. Reelected si Jimmy Carter ug gilampornas ug gilubong kini taga liog sa Republican Challenger nga si Ronald Reagan niadtong 1980 US Presidential Elections, 489-49 electoral votes pwerting lataa!

Busa kung atong balikan ang nahitabo karon nga Piniliay sa America , dili lang maguol ang Republican Party Kay ang History mingpabor sa atoa. Ang Covid-19 maoy ilahang gipadako karong eleksyona ug dili rani kaabot ug 2024, mahuman na kini nga Krisis. Base sa atong pagdukiduki, ang posible nga kandidato pagka Presidente sa Republican Party karong 2024 Mao ning mosunod.
1. VP Mike Pence
2. Former UN Ambassador Nikki Haley
3. Senator Marco Rubio
4. Senator Ted Cruz
5. Sec. Of State Mike Pompeo

Bisan kinsa nianang mga tawhana, kaya ra kaayo nga maoy mosunod sa mga lakang ni Kanhi Presidente ug Republican Ronald Reagan ug pildihon ang Jimmy Carter sa Karon in the person of Joe Biden.

Mark my word, BIDEN WILL NOT BE REELECTED IN 2024!

#WalaRaGyud
#PildiMaglagot


*Work from HOME and launch your own Wordpress blog, business or personal website, or online store at www.dreamhost.com Yes, FREE Wordpress migration from your existing web host.

START your OWN blog site, business or personal website, or e-commerce store at www.fastcomet.com - FREE service to transfer your website from your current webhosting provider.

Latest RSS Feeds


Linkback: https://tubagbohol.mikeligalig.com/index.php?topic=116610.0