This is the ultimate bayle experience:
We had a relative and household assistant named Rosal, taga bukid ibabaw sa among baryo. Pista didto sa ila, kandidata siya, ug nahimong runner-up. Busa gipangitaan sa akong mga sisters og nindot kaayo nga gown ug kina hayhilan nga sapatos aron taas tan-awon, kay taas ra ba gyud ang tag-iya sa iyang gown. Basta koronasyon, bayle gyud na una kay mangwarta pa man sa ribbon. Table-table pud. Mibundak pa bitaw nang ulan, daw binugkos nga mga taligsik (he he, mihapit og balak). So ang tanan mipasilong sa mga lamesa. Later, bisan pag nagtaligsik na, gipadayon na lang ang koronasyon kay hapit na mo tungang-gabii. Unya kay basa man ang hagdan, dihay nakahunahuna og hapin niini og cellophane. Ug mipaso na si Rosal. Pirting pugong sa tiil kay first time naka high heel. Patay . . . kay na-slide bitaw siya sa hagdan nga gihapinan og cellophane, nahapla jud sija, as in face down nga gadupa. But the show must go on, so smile pinarutput na lang gihapon ug mipwesto sa iyang lingkoranan uban sa iyang escort. Later, diha na sa stage ang tanang members sa royal court. Pero ang atup sa ilang stage: trapal . . . napuno sa tubig. Natabunan ang nawong sa King. Basta koronasyon, ipatong man gud og platform ang nakadaug. What he did, miyuko na lang siya aron makita ang iyang nawong sa audience nga atua pa gihapon sa ilawom sa mga lamesa. Unya kay hawoy na man ang iyang mga tuhod og piniko . . . nakakita bitaw siya sa trophy nga giputos og gold-colored cellophane . . . iyang gidughit ang trapal aron moagas sa kilid ang tubig. Miagas tuod . . . pero nangabasa ang tanan nga mipasilong sa isig ka kilid sa stage. Unya kay daghan pa man gyud ang tubig, masalipdan pa gihapon iyang nawong . . . busa iyang gikusgan pa ang pagdugkit aron mosaka pa ang trapal. Ug unsay nahitabo? Nagisi bitaw ang trapal from side to side! Ug nangabasa ug natamog ang tanang sakop sa royal court ! Ang gipaugdo nga buhok morag na-relax, ang gwapa nga gimik-apan, na wa-na-pud ma gwapa. Pwerte nakong bahakhak niini samtang nag-asoy si Rosal sa maong "trahedya".
Linkback:
https://tubagbohol.mikeligalig.com/index.php?topic=21475.0
