Napatik sa Brigada News
UBAY-UBAY na gayud ang atong nabati-an nga mga kapalpakan atol sa pagpakasal sa duha ka managti-ayon susama na lamang sa pagkadagma sa usa ka bride tungod sa kataas sa iyang wedding gownnga gisul-ob.
Apan didto sa nasud sa USA pinasahi gayud ang nahitabo sa usa ka bride nga giila sa pangalang si Rihanian Dioevaneez 32 anyos, ang bag-uhay lamang gikasal sa usa ka ilado ug dakong simbahan sa nasangpit nga lugar.
Dihang naka set-up na tanan ug siya nalang ang gihulat aron mopaso sa aisle padulong sa altar diin naghulat ang iyang banahunon nga si Geoff Stewart nga halos duha ka oras naghulat sa kadugay niining mopaso nga mura’g gi-ihap ang iyang lakang sa aisle.
Nakita sa mga guest’s niini lakip na ang iyang bana nga usa ka tela ang nahulog ug nahabilin sa pasilyo nga iyang gipasuhan.
Hilabihan gayud ang kakurat sa iyang banahunon gumikan usa ka T-bak nga pula ang nahulog nga wala nabantayan sa iyang asawa nga perting lipaya dihang mipaso kini.
Grabe gayud ang katawa sa iyang mga guests, paryente, ninang ug ninong ug uban pang imbitado sa ilang magarbusong kasal.
Samtang ang iyang banahunon ang imbis nga maluoy nagkatawa na lamang kini tungod naguyod gayud sa iyang wedding gown ang t-bak.
Ang bride nga mipaso ang wala’y kasayuran nga siya na ang gikataw-an pag-ayo sa iyang mga bisita. (Bogs Olarte)
Linkback:
https://tubagbohol.mikeligalig.com/index.php?topic=41199.0