normal_post - Former NPAs in Bohol Get Cash - Talk of the Town Author Topic: Former NPAs in Bohol Get Cash  (Read 163 times)

mikeortegaligalig

  • STUDENT
  • *
  • Posts: 435
    • Share Post
clip - Former NPAs in Bohol Get Cash - Talk of the Town
Former NPAs in Bohol Get Cash
« on: November 23, 2019, 04:05:41 PM »
25 ka mga kanhi NPA midawat og halos
P1 milyong tabang sa kagamhanan
By Ven Arigo

DUGANG 25 ka mga kanhi sakop sa New People’s Army (NPA) sa Bohol ang nidawat og kinatibuk-ang P975,000 gikan sa goberno alang sa panginabuhi sa ilang pagbalik sa sabakan sa balaod.

Ang tabang pinansiyal ngadto sa mga rebeldeng komunista nunot sa Enhanced Comprehensive Local Integration Program (ECLIP) sa nasyonal ug probinsiyal nga kagamhanan.

Kini gitunol kanila ni Lt. Gen. Macairog Alberto, commanding general sa Philippine Army (PA), uban kang Provincial Administrator Kathyrin Fe Pioquinto atol sa paglusad sa Dagohoy Patrol / Army Jungle Base sa Rizal, Batuan kagahapon, Lunes, Nobembre 18.

Si Pioquinto nagrepresentar kang Gob. Arthur Yap, kinsa didto sa kaulohan alang sa importanteng tigom.

Ang halos P1 milyon nga ayuda gibahin ning mosunod---P65,000 kada usa sa 15 ka mga kanhi NPA armed regular ug P15,000 matag usa sa 10 ka mga kanhi sakop sa “Militia ng Bayan” o MB.

Ang MB mga tigpaluyo sa rebeldeng komunista apan gikonsiderar usab nga reserbang puwersa nga andam mag-armado kon gikinahanglan.

Sa ilang pagbalik sa sosyedad ug sa pagpanumpa nga mounong sa kagamhanan, ang mga kanhi rebelde gitawag karon og mga KR o “Kauban sa Reporma.”

Apil nga nisaksi sa seremonya sila si Department of Interior and Local Government (DILG) Provincial Director Johnjoan Mende; Lt. Col. Edgar Mangabay, group commander, VATG, TRADOC, PA; ug 1Lt. Michael Jungco, First Scout Ranger Regiment, SOCOM, PA; ug Provincial Social Welfare and Development Officer Carmelita Tecson.

'PASKO NA, IGSOON'

Sa social media, nanawagan ang 47th IB Katapatan Battalion sa “kaigsoonang (rebelde) sa pagkanaug sa bukid ug pagtugyan sa inyong mga armas ngadto sa kagamhanan.”

“Nagkaduol na ang Pasko. Dili ba nindot nga saulogon ang Pasko uban ang inyong mga pamilya nga dili magtago-tago?” nagkanayon ang batalyon sa facebook account niini. (Ven rebo Arigo)

(Photo credit, Katapatan Battalion, 47th IB)

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91532.0



Share via facebook Share via linkedin Share via pinterest Share via reddit Share via twitter
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal