MikeLigalig.com

Ni Sanden J. Anadia (Banat) Updated December 31, 2011 12:00 AM


CEBU, Philippines - Sa tuig 2011, nahimong init nga isyu ang proposal ni Kongresista Rachel Marguerite “Cutie” del Mar nga magtukod og   flyover sa MJ Cuenco ug sa Gorordo Avenue ning dakbayan nga dumalahon sa Department of Public Works and Highways (DPWH).

Apan nagkalain-lain ang reaksiyon sa publiko ingon man usab ang mga politiko kalabot sa nahisgutang proyekto hangtud miabot ang oras nga mimando ang DPWH sa temporaryo nga pag-estudyo niini gumikan sa pagsupak sa ubang sektor.

Usa sa mipadayag sa dakong pagsupak niini mao ang amahan sa dakbayan sa Sugbo nga si Mayor Michael Rama.



Linkback: https://tubagbohol.mikeligalig.com/index.php?topic=45062.0

Nagkanayon ang environmentalist nga si Vince Cinchez nga makapasamot na hinuon sa problema sa trapiko ang maong proyekto ug dako kini og epekto sa katawhan sanglit wala na’y klaro nga pedestrian ang maong dapit. Gitataw niini nga kinahanglan nga konsultahon ang katawhan sa maong proyekto gumikan kay sila ang nagbayad sa buhis.

Miawhag usab ang mga environmentalist sa publiko nga magbutang og mga streamer diin nakasuwat ang ilang pagsupak sa proyekto.

Ang mga environmentalist nagplano usab nga mopasiugda og public forum diin ilang dapiton ang mga kadagkoan sa DPWH ug si Kongresista del Mar aron pasabton ang katawhan kalabot sa tukoron nga flyover.



Linkback: https://tubagbohol.mikeligalig.com/index.php?topic=45062.0

Gisaysay usab niya nga importante kaayo ang master plan sa usa ka proyekto sama sa flyover kung diin mag-agi gyud kini og lapad nga konsultasyon ug pagtuon.

Samtang si Kongresista Tomas Osmeña sa habagatang bahin sa Siyudad sa Sugbo miuyon sa flyover.

Matud pa sa kongresista nga pareho ra nga resulta ang mahatag sa flyover ug road widening busa wala siya mahimuot sa baruganan ni Mayor Rama.

Napanglantawan ni Osmeña nga dako kaayo og magasto ang road widening ug maabtan pa og pila ka tuig ang paghimo niini hinungdan nga dako siyang uyon sa flyover.

Dugang pa niya nga dili lalim ang naagian ni Kongresista del Mar aron lang gyud maangkon ang maong proyekto.

Samtang una na nga gipadayag ni del Mar nga interesado gyud siya nga ipadayon ang maong proyekto bisan pa man nga dunay mga grupo nga supak niini.



Linkback: https://tubagbohol.mikeligalig.com/index.php?topic=45062.0

Matud pa ni Osmeña nga ang maong lote   nga giukopar sa Asilo, mobalor og tag-P20 mil matag metro kuwadrado ug kun ibaligya kini sa mga madre ngadto sa pribadong mga tawo, magbayad ang makapalit niini og tag P500 mil nga buhis matag tuig ngadto sa kagamhanan sa siyudad.

Matud pa niya nga dako na kaayo kini nga ikatabang sa mga dugang proyekto sa kagamhanan nga    makaayo sa kadaghanan ilabi na sa mga kabus.

Samtang gihulagway ni Jimmy Llanos, presidente sa Bantay Taxi Association   nga dako og matampo sa pagsulbad sa problema sa trapiko sa siyudad sa Sugbo ang giplano nga flyover.

Nagkanayon si   Llanos nga nagkadaghan na karon ang mga sakyanan ug establisamento busa angayan lang gyud nga butangan og mga flyover ang Gorordo Avenue ug MJ Cuenco.

Napanglantawan niya nga mahimong tulin na unya ang pagbiyahe sa mga public utility vehicle sanglit daghan naman sila og kalutsan ug dili malangan ang ilang mga pagbiyahe.

Matud pa ni Llanos nga grabe na kaayo ang problema sa trapiko karong panahona ug maapektohan usab niini ang ilang kita busa panahon na nga tukoron ang flyover.



Linkback: https://tubagbohol.mikeligalig.com/index.php?topic=45062.0