By Joshua Fullido
Tricycle driver nagrabehan human na Hit-and-run sa dumptruck didto sa Talibon
Ang biktima nailhan nga si Judy Cuizon, 30 anyos, minyo , molupyo sa brgy. Zamora lungsod sa Talibon.
Gisaysay ni Ann kapikas sa tricycle driver nga nahitabo ang aksidente pasado alas 7 sa gabii nga ang biktima gikan kini namasahero unya paingon na muoli , apan paghidangat didto sa brgy. Balintawak ,Talibon dunay dumptruck nga nagsunod ang kalit lang mibangga sa luyong bahin sa iyang tricycle nga nakaingon sa pagkadiskrasya.
Nayupi ug nabalintuwad ang tricycle hinungdan nga ang biktima nakaangkon kini sa samad sa nawong ug bun-og sa ulo.
Daling nakasibat sa wala masayring direksyon ang dumptruck samtang ang biktima , gihatod dayon kini sa Gov. Celestino Gallares Memorial Hospital ning dakbayan arun sa dugang pagpatambal.
Save the link
https://tubagbohol.mikeligalig.comLinkback:
https://tubagbohol.mikeligalig.com/index.php?topic=89766.0
