TAGBILARAN CITY. - Dili lang pagbantay sa kalinaw sa usa ka dakbayan ang gipatuman sa kapolisan dinhi apan lakip na ang mga mahinongdanong programa alang sa mga pamilya ug kabataan nga igo lang ang abot sa matag adlaw nga panginahanglanon samtang may kabataan ang pipila niini wala pa ma katungha.
Ning bag-ohay gilusad sa kapolisan dinhi sa dakbayan ang Outreach Program alang sa mga kabataan sa Brgy. San Isidro ning siyudad ang Mobile Library (ML) o "Libro mo Paglaum Ko." Dili mga dinakpan ang gikarga sa PNP Patrol Car kon dili mga libro alang sa mga kabataan.
Gawas niini, nagapod-apod ang kapolisan sa libreng lugaw alang sa 150 ka mga kabataan nga nakabenepisyo kini gitawag og "Libreng Lugaw ni Manang Hepe"
Ang maong kalihukan gipangunahan sa hepe sa kapolisan sa dakbayan pinaagi kang P/LT. COL. Regie Real kinsa maoy nag umol sa Outreach program nga Reading Enhancement Assessment And Literacy (REAL). Kini gitambayayongan sa mga opisyal sa barangay og sa kagamhanan sa Dakbayan sa Tagbilaran.
Detalye gikan ni Cesar Capangpangan. Hulagway gikan sa PNP.
news.mikeligalig.comLinkback:
https://tubagbohol.mikeligalig.com/index.php?topic=122842.0
