Microsoft
pCloud Premium

Archived Dear Papa George of DYRD Kiss FM

  • 0 replies
  • 181 views
*

caretaker

  • *****
  • 26397
  • click buttons for social media share
Archived Dear Papa George of DYRD Kiss FM
« on: July 11, 2020, 09:05:42 AM »
2014 radio program by George Gray
Dear Papa George,
Maayong gabii kanimo ug sa liboan ka mga suking tigpaminaw sa Kiss FM. Una sa tanan magpasalamat ko nimo nga imong gisugdan kining programa nga makahatag ug opportunity sa mga tawo nga makapadayag sa ilang gibati ug hunahuna.
Lami man gud paminawon ning makadungog usab kita sa mga panglantaw sa ubang tawo. Kay kung atong huna-huna lang ang magpasulabi, dili nato makit-an ang laing panagway sa kalibotan.
Sa pagkatinuod, Papa George, dugay na gyud ko nangandoy nga may ingon niini nga programa. Kadtong nakaadto ko sa Manila, nakadungog ko ug programa nga adunay mga tambag alang niadtong adunay problema sa dughan. Ug karon niabot na gyud ang dugay nakong gipaabot nga programa.
Papa George, usa ako ka estudyante sa University of Bohol, first year pa lang ug nagkuha sa kurso nga education kay ganahan gyud ko magtudlo sa ubang tawo pero ako mismo dili makatudlo sa akong kaugalingon.
Nagsugod ning akong problema niadtong unang tangka sa klase karong semester niadtong June. Dili ko taga Tagbilaran, Papa George, taga Sagbayan ko. Dili pa ko sweto ug Tagbilaran. Murag mauwaw pa gani ko sa akong mga classmates kay lagi dili man ko taga-syudad. Mao lagi to, Papa George, nga sa unang adlaw nako sa UB, ang maestra nako sa English mao gyud ang nakaangin ning akong suliran.
Kuan man gud, Papa George, sukad-ma sukad wala pa gyud ko makasuway ug uyab. Ingnon lang nato nga bugnaw ko ug simod. Dili ko makamao mosulti sa akong gibati sukad niadtong high school pa ko. Pero sukad nakita nako ning among maestra sa English, mura man ug nakabaton nako ug kaisog nga mosulti sa akong gibati.
Ingnon ta lang pulonga, Papa George, nga sa una pa lang ko pagkakita ning among maestra sa UB, murag natangtang ang bakos sa akong karsones. Wa ko kasabot sa akong gibati, Papa George, mura ko ug namugnaw, unja manginit na pud. Mura ko ug naestatuwa.
Gani sa pagsulat ko ning maong sulat, wa ko kasabot ug wa ko kahibalo unsaon ko ni pagsaysay kay para na ko nagsalimuang pa ko, Papa George. Hilabihan man gud gwapaha ning among maestra. Karon nga hapit na matapos ang semester, naguol na ko ug murag dili nako makatuon sa final exam kay nahadlok ko nga sa sunod semester, dili na nako siya mahimong teacher. Ug kung mawala siya sa akong panan-aw, nahadlok ko nga mawad-an ko ug gana sa akong pag-eskwela.
Papa George, ikaw pa gyud ang akong gisultian ning akong gibati karon. Bahala na ug unsay isulti sa uban. Bug-at naman gud kaayo sa akong dughan nga dugay na gilomloman ko kining maong pagtan-aw ko sa among maestra. Sa ako usab nga hunahuna, mosulti nalang ko diri sa Kiss FM kay dili bitaw pud ko motug-an sa tinuod nako nga ngalan.
Dili usab nako isulti ang ngalan sa maong maestra. Pero tawgon lang nato siya ug Ma’am Luchie. Ug tawga lang usab ako nga Toper.
Papa George, mangutana ko nimo, aduna bay balaod nga nagdili sa usa ka estudyante nga makagusto sa iyang teacher? Ug aduna ba usay balaod nga nagdili sa usa ka maestro nga makaangay sa iyang student?
Wa jud ko kalibutan ani, Papa George. Nahadlok ko nga kung manguyab ko ni Ma’am, basin palagputon ko sa UB ug ingnon ko nga may gatas pa akong baba. Ug basin pud nga ibagsak ko ni Ma’am kung ako ni siyang padad-an ug love letter. Duol na ra ba ang finals. Naglibog ko kung unsay akong buhaton.
Wala pa gani ko kahibalo kung unsay iyang cellphone number kay nahadlok pud ko mangayo.
Usa pa, Papa George, dili ko segurado nga dalaga pa si ma’am. What if minyo na siya? Or what if dalaga pa siya pero may uyab na? Dili pud ko mangutana sa akong mga classmate unsay civil status ni Ma’am kay basin ug kantyawan ko.
Nakahuna-huna ko nga mosuway nalang ko anang Facebook kay naay nag-ingon nako nga makit-an daw nato ang mga tawo diha nga gusto nato pangitaon. Ang nakaparat ani kay wala pa gyud koy Facebook kay dili man na uso sa among baryo. Dili pa ko hanas mogamit anang computer. Wala pa ko mosunod anang Facebook, Papa George. Sa imong tan-aw, pwede kaha nga didto ko mangukoy sa Internet kung unsa gyud ang civil status ni Ma’am ug kung asa ni siya gapuyo?
Lain nga niabot sa akong huna-huna, Papa George, kining akong kawad-on sa kinabuhi. Kung ugaling mahigala ko si Ma’am Luchie, ug manguyab ko niya, basin iya ra ko nga kataw-an kay bata pa ko.
Ug nahadlok sab ko nga kung e-date nako si Ma’am, dili pa ko ka-afford. Igo-igo ra gyud ning akong allowance nga gipadala kada semana sa Palawan Pawnshop.
Nakutaw ning akong utok, Papa George, kung hangtud sa hangtud nalang ba gyud nako itago ang akong gibati.
Palihug, tambagi ko Papa George kay mura man ug ikaw ang sweto mahitungod aning mga butanga.

Magpaabot ko,
Christopher

☆ START YOUR OWN blog site, business or personal website, or e-commerce store at www.fastcomet.com



Linkback: https://tubagbohol.mikeligalig.com/index.php?topic=114347.msg685382#msg685382
Romans 10:9-10
"If you declare with your mouth, Jesus is Lord, and believe in your heart that God raised him from the dead, you will be saved. For it is with your heart that you believe and are justified, and it is with your mouth that you profess your faith and are saved."

>> Protect Your Family. Use VPN for Safe, Anonymous Internet Browsing. Get Best VPN at www.nordvpn.com.

Want Fastest VPN in 2020. Use Ivacy VPN at www.ivacy.com

 

pCloud Premium