Author Topic: Ulat ni Manny Pacquiao Mula sa Bohol  (Read 1285 times)

benelynne

  • EXECUTIVE
  • EXPERT
  • *****
  • Posts: 2586
  • The good is the enemy of the best. John C. Maxwell
    • View Profile
Ulat ni Manny Pacquiao Mula sa Bohol
« on: June 18, 2009, 11:08:46 AM »
Oras ng Bakasyon

By Manny Pacquiao
PhilBoxing.com
Thu, 18 Jun 2009

BOHOL — Magandang araw po ulit sa inyong lahat, mga ginigiliw kong tagasubaybay, kaibigan at mga kababayan. Sana ay nasa mabuti kayong kalagayan saan man kayo naroroon.

Naririto po ako ngayon sa Bohol kasama ang aking pamilya upang ipagpapatuloy namin ang naudlot na bakasyon noong isang linggo. Kagagaling ko lang sa America, sa malaking siyudad ng New York, upang bigyang-pagpapahalaga ang mga importanteng bagay na napapatungkol sa aking boxing career, ang pagsipot sa awards night ng prestihiyosong Boxing Writers Association of America kung saan pinarangalan nila ako bilang 2008 Boxer of the Year.

Sinuportahan ko rin ang aking kababayan na si Rodel Mayol na nagbigay ng magandang laban sa wala pang katalo-talong si Ivan Calderon ng Puerto Rico. Tabla ang kinauwian ng laban ngunit maganda ang ipinakita ni Rodel kaya naman hiniling kong mag-rematch silang dalawa. Pinanood ko rin ang laban ni Miguel Cotto kontra kay Joshua Clottey na nauwi sa isang split decision. Mahalaga rin na mapanood ko ang laban na ito dahil si Cotto marahil ang susunod kong makakalaban, depende sa negosasyon ng aking promoter na Top Rank.

Pero bago ang lahat ng iyan, bago ako sasabak sa matinding paghahanda at ensayo muli, kinakailangan ko munang bigyan pagpapahalaga ang aking pamilya na palaging naiiwan ng matagal dahil na rin sa uri ng aking trabaho. Halos dalawang buwan ako kung mawalay sa aking mga anak kaya naman walang dapat na pumigil sa akin sa ganitong mga sandali dahil minsan lang magiging mga bata ang aking mga pinakamamahal na mga anak.

Lubos na masaya at maganda dito sa Bohol. Sariwa ang hangin at ang karagatan ay malinis. Puting-puti ang buhangin at sariwa ang pagkain. Ito ang pinakamasayang araw pagkatapos ng isang mahirap na laban.

Kahit na nagtapos ng dalawang round lang ang huling laban ko, kontra kay Ricky Hatton, marami ang hindi nakakaalam na ang pinakamahirap na bahagi ng isang pagpapanalo ay ang training. Dahil talagang ibinubuhos ko ang lahat sa paghahanda, nagiging mukhang madali na lamang ang nangyayari sa totoong laban.

Dahil na rin sa ako ang pound-for-pound No. 1 boxer sa mundo, kinakailangan ko ring pagpahingahin ang aking katawan dahil alam ko, maraming mga kalaban ang gustong humarap at maghamon sa akin. Mahalaga na sa pagsabak ko muli sa training, sariwa ang aking katawan, isip at spirit.

Natutuwa ako sa mga nangyari sa New York dahil nakita ko ang pagmamahal ng maraming tao sa akin bilang isang Pilipino at isang boxer. Sa gitna ng maraming Puerto Rican sa Madison Square Garden, nakita ko ang respeto na ibinigay ng mga fans sa akin kahit na hindi nila ako kababayan. Nakita ko rin ang matinding pagpupugay na ibinigay sa akin ng mga manunulat ng America na silang haligi ng aking pagiging matagumpay. Ngayon ko napatunayan na mahalaga ang respeto ng lahat ng tao sa pagsikat at hindi lamang dahil sa taglay mong kagalingan gaya ng pag-aakala ni Floyd Mayweather at Juan Manuel Marquez, na ang kanilang laban ay hindi masyadong sinuportahan ng boxing fans sa takilya.

Bago pa mapunta sa ibang usapin, maliligo muna ako sa dagat at mage-enjoy. Hanggang sa Muling Kumbinasyon. God Bless Us All.


Linkback: https://tubagbohol.mikeligalig.com/index.php?topic=20640.0
Live out of your imagination, not your history.
 -- STEPHEN COVEY
http://www.facebook.com/photo.php?pid=4508115&id=710401074#/profile.php?ref=name&id=710401074

unionbank online loan application low interest, credit card, easy and fast approval

fdaray

  • LUMINARY
  • ***
  • Posts: 5036
  • In my twilight days..... I shine still shine..
    • View Profile
Re: Ulat ni Manny Pacquiao Mula sa Bohol
« Reply #1 on: June 18, 2009, 11:59:00 AM »


      a glance with  Manny Pacquiao.................

Linkback: https://tubagbohol.mikeligalig.com/index.php?topic=20640.0
Life is what you make.
Kon naa kay gisoksok, naa kay makuot.

http://feldarblogspotcom.blogspot.com/
http://darayagrifacts.blogspot.com/

unionbank online loan application low interest, credit card, easy and fast approval

Tags: