FB News
NAG-AWAY TUNGOD SA IRING SUNGKABAN
Davao De Oro- nahimong gubot ug saba ang pagsugat sa pagsubang sa adlaw sa sa’yong kabuntagon human mauy mitilaok ang panaglalis sa magsilingan nga nag-away tungod sa Iring sungkaban
Ang insidente nahitabo sa barangay sakop sa lungsod ning probinsiya.
Sa gihimong pakipaghinabi ning tigsuwat kang alyas ‘ May-may†16 , iyang gisaysay nga tungod sa iring sungkaban naglalis ug nag-away ang iyang iyaan ug uyuan, hinungdan nga milakaw sila sa mao niyang iyaan aron magpawala sa kasuko.
Gibutyag ni May-May nga sa’yo sa buntag niadtong Martes gisulong sa iyang iyaan ang ilang silingan nga mauy gipasanginlan nga tag-iya sa iring nga kanunay manungkab sa ilang kusina.
Matud pa nga miulbo ang kasuko sa iyaan ni May-May dihang sa magmata mauy misugat nga nawala ug nayabo ang gibutangan sa nilutong paksiw nga isda nga gitakuban sa kusina.
Matud pa , nga misulong ang iyaan ni May-may sa balay sa silingan og sila naglalis apan, ang mao niyang iyaan gi-apas og gibadlong sa bana nga gikasuko niini og sila na hinuon ang naglalis og misamot ang lalis dihang sa atubangan sa maong silingang babaye giingnan sa asawa ang bana nga dunay relasyon sa mao nilang silingan.
Nasuko ang lalaki ug gibunlot pauli ang asawa.
Sa kalagot sa asawa sa pagdapig-dapig sa bana sa silingan , milakaw kini kauban si May-may og mibilin pag pung sa bana sa pagbiya …… “ pag-uban mo diha sa imong didang “
Gikaguol sa maong dalagita ang nahitabo ug naghinaut nga maulian na sa kasuko ang mao niyang iyaan og mouli na sa ilang balay sanglit, nabalaka siya nga sa tantong loud-luod makasugat pa hinuon sila og tawo nga positibo sa Coronavirus Disease 2019 ( Covid-19) og sila mataptan sa kagaw tungod lang sa iring sungkaban nga mauy hinungdan sa away. Dexter T. Visitacion
☆ START YOUR OWN blog site, business or personal website, or e-commerce store at
www.fastcomet.com ☆
Linkback:
https://tubagbohol.mikeligalig.com/index.php?topic=114508.0