MikeLigalig.com

Nabasa sa Valencianhons' Voice sa facebook: Sigun sa Police Blotter, duha ka mga tawo ang gi-pick up sa Kapulisan niadtong hapon  sa Nobyembre 15, 2011 pinaagi sa mga Warrant of Arrest. Giila ang duha nga sila si Ignacio Gamutan y Dalapo, kanhi Bgy Capt sa Poblacion Occidental, ug si Lilia Magdua y Delima, kanhi Bgy Treasurer sa samang barangay. Ang maong Police Blotter usab nagpakita nga si Magdua nakagawas na sa hapon pagkasunod adlaw, human nihatag sa pyansa nga Php72,000.00, samtang si Kanhi Barangay Kapitan Gamutan nagpabilin pa nga nagpalabay sa ikaduhang gabii sulod sa prisohan, ug nagawas human makabutang sa pyansa sa sunod nga adlaw.

Sakyanan sa LGU-Valencia na-disgrasya niadtong sabado sa gabii.

Segun sa blotter sa PNP - Valencia, usa ka Isuzu D-Max Boondock, 4x4 double cab, nga may plate number SHZ 915, nga naka-rehistro sa ngalan sa LGU-Valencia, ang nadisgrasya didto sa barangay Taug, sa may mga alas 10:30 ang takna sa gabii, niadtong Sabado, September 3, 2011. Ang bloter sa kapulisan nagpakita nga ang maong sakyanan sa gobyerno, nga nagdagan sa gabii sa adlaw nga Sabado, gimaniho sa usa ka Marlon Sumayo, nga taga Pob Oriental. Kaubban ni Sumayo sa maong sakyanan niadtong panahon sa pagkahitabo mao ang laing duha ka mga tawo: sila si Gibson Sumayo, nga igsoon sa driver, ug Jonathan Cuadra nga taga Garcia Hernandez, nga usa ka Nurse sa Leona O Lim Memorial Hospital, sa Canmanico, Valencia, Bohol. Ang blotter sa kapulisan nagtug-an nga ang maong sakyanan nagdagan sa national highway gikan sa Garcia Hernandez ug paingon sa lungsod sa Valencia. Pag-abot sa may barangay Taug, human ni-agi sa likuon nga dalan, kalit lang kining mi-skid ug nibangga sa usa ka punuan sa kahoy sa daplin sa national highway. Ang tulo nga sakay sa maong sakyanan gidali sa pagdala ngadto sa LOL Memorial Hospital.
Sumpay sa maong hitabo, segun sa kasaligang tinubdan, ang maong driver usa ka casual employee sa municipio sa Valencia. Niadtong gabii sa Sabado, ang maong driver, kuno, gisugo sa Halangdong Mayor sa Valencia sa paghatud ug sulat didto dapit sa Garcia-Hernandez. Tungod kay gabii na man, mga alas-9 na, iyang gipauban ang iyang manghud.Sa pagpauli na kuno nila, ilang nalabyan, ug gipa-hitch, si Jonathan Cuadra, nga niadtong mga orasa padulong na sad sa lungsod sa Valencia kay mo-duty isip Nurse sa LOL Hospital, nga gipanag-iya sa pamilya sa Mayor sa lungsod. Tungod kuno kay ang maong Nurse man grabe nga angol sa maong disgrasya, gidala kuno dayon sa Cebu.

Duha ka security guards sa valencia high school ug usa ka empleyado sa municipal assessor ang gipalagpot human sa niaging election.

Ang duha ka security guards, (usa taga canmanico ug ang usa taga canduao) gipaundang sa ilang serbisyo human ang election tungod kay gikatahapan nga wala mo-boto sa mga kandidato sa administration. Labihang mahaya sa duha kay sila pa kuno nga nituman sa gusto sa taga-municipio nga iboto ang tanan sa administration ang ipalagpot, unya ang usa (taga canmanico gihapon) ang gipabilin hinoon nga mao ang mi-klaro ug hunghung nga adto sa oposisyon sila mobuto.

Lain nga gipalagpot sa serbisyo human jud sa election mao ang usa ka empleyado sa municipal assessor's office, nga taga-canmanico gihapon. Rason: nahibal-an sa mga taga-mansion nga ang asawa sa empleyado nakabaylo kuno ug kwarta gikan sa usa ka kandidato sa oposisyon. Gipabaylo kaha pud sa kandidato kay basin wala na pud lain motabang sa panahon nga gipit na ang maong pamilya? Ug tungod kay nakabaylo, nagtoo ang taga-mansion nga didto mo-boto sa oposisyon.

Basin mga casual pa kini silang mga hingtungdan nga empleyado? Pero luoya jud nila.

Kahinumduman nga si Gan ug si Buslon nangapildi sa ila mismo nga presento niadtong milabay nga eleksyon.

Posted at a facebook account "Valencianhons Voice"..another crime was committed yesterday, June 29, during the merry-making celebrating the San Pedro. This time, it was brother versus brother, when an older brother was stubbed by the younger brother. Happened in barangay Anas.

First, husband and wife. Next, father and son. Third, brother againts brother. Naunsa na man intawon ang atong mga katagilungsod? Unsa may action, o reaction, sa simbahan, sa lokal nga pangagamhanan, ug sa kapulisan.

Dako sad nga kakugang nga matud pa, ang Valencia nga duna'y kapin sa 28,000 ka mga molumpyo sa 35 ka baryo, aduna lang pito (7) ka pulis? Ngano man intawon? kinsa na man lang ang mobantay sa kalinaw? Matud pa sa samang account sa facebook, sa pito ka pulis, usa (1) ra intawon ang taga-Valencia. Kay ang uban diay nga taga-Valencia nga mga pulis tua sa laing lungsod nagpa assign o kaha ni retire na lang.

Kalooy baya di ay sa atong lungsod! Mag-ampo na lang ta nga dili unta raid don sa atong mga higala sa kabukiran ang atong opisina sa kapulisan, kay mag unsa na man lang kaha ang pito (7) ka pulis? Usahay ra ba kuno, managat pa ang usa aron duna sila masud-an.

Ngano man kaha wala man magpakabana ang simbahan, labi na ang Kura Paroko nga si Rev. Fr. Gilbert Ilogon, sa pagsupak sa gikasabutan nga Covenant sa tanang nga mag kandidato niadtong Marso 24? Nagpaabot ang mga katawhan sa Valencia nga makadungug gikan sa simbahan sa ilang baruganan sa mga panghitabo sa milabay nga eleksyon, kay sa atubangan mismo sa Kura Paruko ug sa Bibliya ang mga kandidato nanumpa alang sa hinlo ug malinawon nga eleksyon.

Nagpatawag ug miting sa PTA ang Valencia Central Elementary School kay gusto nga magtampo ang mga parents para makapalit ug electric fans kay igang kuno ang ilang classroom. Nakalimot tingali ang titser nga mga fishermen ug farmers lang ang parents sa iyang mga pupils. Basin naa diha gusto mo-donate, aron makatabang.

Usa ka amahan gi tigbas sa iyang anak, gamit ang palakol. Nahitabo sa Banderahan, Valencia, Bohol, niadtong Huebes, Junio 24. Ang anak naa na sa prisuhan, ang amahan naa sa Dr. Lims Clinic and Hospital, buhi pa intawon.

Nahitabo sa Marawis, niadtong gabii sa Martes, June 22, 2010. Ang bana karon nagtingkagol na sa prisohan. Samot nga dili na maka-jerjer.