Mag-ube festival na pud ta karong January 29 - 30 diha sa Bohol Agricultural Promotion Center. Nalingaw kaayo ko nga nagbasa sa mga sharing mahitungod sa Ube, makapahimuot. Ang hinungdan nganong hagkan or kissan ang ube kay aron magmatngon ang tanan aron dili kini mahagbong, mabusdak o masamad kay nipis man kaayo ang panit. Kung dunay samad diha mosugod ang pagkadunot kay ana mosulod ang kagaw. Kinahanglan ang dakong lihok aron dili mawala ang tinuod nga kinampay, kadtong violet nga humot pud. Daghang violet diha nga dili humot, dili kini ang tinuod nga kinampay. Lisod na karon ang pagpatubo sa tinuod nga kinampay kay dali ra kining masakit ug mamatay samtang nagtubo pa sa yuta. Apan, adunay usa ka Tissue Culture research nga kamulong gipahigayon karon sa Bohol Experiment Station aron masalbar ang ube kinampay. Apil mo sa Ube Festival ha... magkitakita ta pohon kung makaanha mo sa Tagbilaran.