LTFRB PRESS RELEASE
17 March 2021
Nililinaw ng Land Transportation Franchising and Regulatory Board (LTFRB) na hindi nagkulang ang ahensya sa pagkonsulta sa mga Public Utility Vehicle (PUV) transport service cooperatives, operators at drivers kaugnay ng implementation ng Public Utility Vehicle Modernization Program (PUVMP), lalo na ang importansya ng konsolidasyon sa ilalim ng programa
Noong 2018, kung kailan inilunsad ang PUVMP, nagkaroon ng mga inisyatibo ng LTFRB para mapalaganap ang impormasyon ng PUVMP sa mga driver at operator, at kabilang rito ang PUVMP Roadshow Caravan na isinagawa sa iba't ibang bahagi ng bansa simula noong Hulyo 2019 hanggang Marso 2020
Maaalala na nagkaroon ng public consultation ang LTFRB, kasama ang Office of Transportation Cooperatives (OTC), at ng ilang PUV drivers noong ika-11 ng Marso 2020, ilang araw bago magpatupad ng Community Quarantine sa Metro Manila dahil sa Coronavirus Disease 2019 (COVID-19).
Nagkaroon din ng diyalogo ang LTFRB, sa pangunguna ni LTFRB Chairman Atty. Martin B. Delgra III, at ilang Public Utility Bus (PUB) operators at drivers kaugnay naman ng fleet consolidation noong ika-23 ng Enero 2020.
Bukod pa 'yan sa mga isinagawang konsultasyon ng ahensya sa mga PUV operators at drivers kaugnay ng PUVMP at ng consolidation na requirement ng programa sa mga nakaraang taon. Kung tutuusin, nagresulta ang mga konsultasyon sa konsolidasyon ng ilang kooperatiba at kalauna'y nakapaglunsad ng modern units hindi lang sa Metro Manila kundi pati sa ilang probinsya sa bansa.
Simula noong 2018, naging bukas ang pinto ng LTFRB sa mga nais sumali sa naturang programa at walang sawa ang ahensya sa pakikipag-usap sa mga PUV drivers at operators tungkol sa mga benepisyo ng PUVMP.
Ang PUVMP ay isang programa ng administrasyong Duterte na naglalayong makapagbigay nang maayos, moderno, komportable at ligtas na pampublikong transportasyon sa bansa. Layon ng programa ang mapabuti ang sistema ng mga pampublikong sasakyan hindi lang para sa mga mananakay, kundi pati sa mga drayber at operator upang magkaroon sila ng sapat at marangal na kabuhayan.
#PUVMP
#LTFRB
*Work from HOME and launch your own Wordpress blog, business or personal website, or online store at
www.dreamhost.com Yes, FREE Wordpress migration from your existing web host.
START your OWN blog site, business or personal website, or e-commerce store at
www.bluehost.com - FREE website transfer..
Latest
Tubag Bohol TopicsLinkback:
https://tubagbohol.mikeligalig.com/index.php?topic=120779.0