DAGWAY SA PAGKAWALA NAY DELIKADEZA SA MGA PULITIKO BASTA LANG NGA MATAGBAW ANG ILANG MGA INTERES.
Naklaro na ang pagbudhi sa kampo ni Gob. Erico Aumentado ngadto sa Lakas-Kampi CMD sa pagsugod gyud sa kampanya niadtong Biyernes Marso 26. Si Aumentado nag-uban og ang grupo ni Bise Gob. Julius Caesar Herrera sa usa ka entablado sa proklamasyon sa Lakas ug Nacionalista Party (NP)sa gym sa Talibon.
Gilingla ni Aumentado ug Herrera ang katawhan sa ilang pagpatoo nga si Aumentado gihimong guest candidate sa NP sa pagkakongresista sa Segundo Distrito.
Ang proclamation rally sa Talibon nagpakita nga ang kamot hinuon ni Herrera maoy giisa ni Aumentado ug di si Aumentado ang giproklamar ni Herrera.(see above picture)
Kini nagpasabot nga si Herrera maoy gihimong guest candidate ni Aumentado sa Lakas imbes siya maoy gipatoo nga gihimong guest candidate sa NP.
Gumikan niini, samot nga napamatud-an ang PAGTRAYDOR NI AUMENTADO ug kaubanan ngadto sa Lakas.
Matud pa sa mga taho, gipa-isplikar sa NP ni Villar sila Aumentado ug Herrera nganong mao kadtoy nahitabo. Wa nahimuot ang mga tawo ni Villar nga nagtungtung man tuod sa usa ka entablado si Aumentado, Herrera ug Abapo apan Lakas ang background nga may nawong pa ni Gibo Teodoro ug Aumentado (see above picture).
Sa liang bahin, niingon ang kampo sa mga loyal nga sakop sa Lakas nga kini nagpasabot nga si Aumentado nagpatoo lang gihapon nga naa kang Gibo bisag nakigdug na sa mga kontra.
Sa maong panghitabo, nagsagol ang mga tawo nga green og orange nga maoy kolor ni Gibo Teodoro sa Lakas ug Villar sa NP.
Matud sa mga nakasaksi ngil-ad kaayo ang maong talan-awon. Para kanila kadto dagway sa pakawala nay delikadeza sa mga pulitiko basta lang nga matagbaw ang ilang mga interes.
Linkback:
https://tubagbohol.mikeligalig.com/index.php?topic=26206.0