MikeLigalig.com

Ni Sanden Anadia (Banat) Updated October 01, 2012 12:00 AM


CEBU, Philippines - Nahutdan na og pasensya si Mayor Michael Rama ug hingpit na kini nga mibiya sa Liberal Party human sa wala pagtagad kaniya sa partidong iyang gidapigan sa dugay nang panahon.

Sumala pa sa mayor nga hangtud karon wala pa siya kadawat og tubag gikan sa mga kadagkoan sa LP kalabot sa suwat nga iyang gipadala diin nangayo kini og katin-awan sa tinuoray niya nga estado sa partido. Makaatbang ni Rama si Kongresista Tomas Osmeña sa Bando Osmeña Pundok Kauswagan kinsa giingong nakadawat na og certificate of nomination sa partido (LP) apan siya nga incumbent mayor ug sakop sa LP wala gyud.

Nagdumili hinuon siya paghatag og komento kung unsang partido ang iyang padulngan apan dunay kisaw nga adto siya mopasilong sa United Nationalist Alliance (UNA) nga gidumala ni Bise Presidente Jejomar Binay.

“Dili lang ko mohatag komento, basta dunay saktong panahon para mohisgot anang butanga,” sumala pa ni Rama kinsa sa Oktubre 5 uban sa iyang lineup mo-file sa ilang certificates of candidacies.

Daw nagmahay ang mayor nga bisan sa diniyos niyang pagtamod sa mga rekisitos ug obligasyon niya sa LP wala siya ilha nga sakop niini. Kahinumdoman nga dunay mga higayon nga nagpatawag og tigom ang LP sa kaulohan dili apilon sa imbitasyon si Rama apan si Osmeña nakadawat og imbitasyon.

Gipasalig hinoon sa Team Rama nga bisan wala na sila sa LP, magpabilin gihapon nilang suportahan ang mga programa ni Presidente Benigno Aquino III kinsa sakop sa LP.

Dunay miulbong mga hungihong kagahapon nga matud pa nakadawat og tawag si Rama gikan sa usa sa mga dakong haligi sa LP ug gipahibalo kini nga si Osmeña maoy opisyal nga kandidato sa LP dinhi sa siyudad sa Sugbo.

Si Osmeña sa iyang bahin miingon nga wala na siya mahibulong sa hukom ni Rama kay di na kini bag-o kaniya sanglit gihimo kini ni Rama sa BOPK.

Nasayran nga sakop sa Pwersa ng Masang Pilipino (PMP) ang kandidato sa Team Rama pagka-kongresista sa norte nga si Annabelle Rama kinsa unang misaysay nga wala kini plano nga iyang agnihon ang mayor nga motapon sa iyang partido. Nagkanayon si Annabelle nga tagaan niya og katungod ang ig-agaw niya nga mayor nga mopili og partido.  (BANAT NEWS)

Linkback: https://tubagbohol.mikeligalig.com/index.php?topic=55322.0

kining party-party sa politics sa ato wa man goy klarong ideology except the ideology of convenience and winnability (throw in money to complete your membership), mao nga naive gyod ang magtoo ug party loyalties.

to each his own survival.  sorry na lang, mike rama.  you're a great kid, but you remain a political kid when it comes to the irascible tomas osmena who is known as the most unpleasant of enemies.

Linkback: https://tubagbohol.mikeligalig.com/index.php?topic=55322.0