Mga lider sa Lakas nalooy sa grupo ni Salinas
nga gigamit sa pagsigeg ilad sa mga Bol-anon-------------------------------------------------------------------------------------------------------
NALOOY ang mga lider sa Lakas ngadto sa grupo ni Catigbian Mayor Roberto Salinas ug pipila ka mga mayor nga matud nila gihimong instrumento ni Gob. Aumentado sa pagpamakak.
Ang grupo ni Salinas ug pipila ka mga mayor gipapirma og laing manifesto nga nag-akusar kang Kong. Chatto ug kaubanan nga mobali sa Liberal Party ni Sen. Nonoy Aquino.
Matud sa mga lider sa Lakas kini laing paglingla ngadto sa mga Bol-anon kay nitug-an mismo ang mga tawo sa Catigbian nga si Salinas nagkuyog-kuyog ni Cesar Montano sa ilang lungsod sa niaging semana. Si Montano milansar ubos sa Liberal Party.
Hinuon wa na kini ikahibung sa mga lider sa Lakas kay ang grupo ni Salinas igo lang nga gipapirma sa manifesto nga matud sa mga tinubdan iya mismo ni Aumentado.
Samtang giintrigahan sa manifesto ang grupo ni Chatto nga kuno mobali sa Liberal Party, gikumpirmar sa mga tawo sa Catigbian nga si Salinas nidiskurso mismo sa tapok sa Liberal Party ni Montano sa ilang lungsod.
Kini gihimo ni Salinas didto sa Poblacion, Catigbian sa niaging Sabado apan sa pagka-ugma, Domingo, nigawas ang ilang manifesto nga nagpahid sa ilang buhat ngadto sa grupo ni Chatto.
Grupo ni Aumentado ug Salinas napakyas
sa pagpasud kang Chatto ug kaubanan sa laang
-------------------------------------------------------------------------------------------------------
MIABOT na ang dugayng gidahum nga tentalon sa grupo ni Gob. Aumentado ang mga lider sa Lakas sa pagpapahawa kanila sa partido.
Sa laing manifesto nga gipagawas niadtong Domingo, ilang gihagit si provincial party chairman Kong. Edgar Chato ug ubang lider sa pagpalayas kanila gikan sa Lakas.
Apan wa palingla ang mga lider sa Lakas kay kini dugay ra nilang napanglantawan nga buhaton gyud ni Aumentado, Mayor Salinas ug kaubanan aron aduna silay alibay sa pagbalitok ngadto sa Nacionalista Party ni Villar.
Sa samang manifesto wa na angkona sa kampo ni Aumentado ug Salinas si Lakas presidential candidate Gibo Teodoro
Ang paghagit pinaagi sa manifesto nga sila palayason sa partido nisukwahi sa buot ipalutaw ni Aumentado sa Governor’s Report niadtong Biyernes nga siya gipapahawa na sa kaugalingong balay nga mao ang Lakas.
Matud sa mga lider sa Lakas mahinungdanon gyud alang sa katawhan nga magbinantayon sa mga pulitikanhong pamahayag aron di malipat ug mailad.
Kong. Chatto mimatuod sa iyang
pagtamud sa kabatan-onang Bol-anon
-----------------------------------------------------------------------------
GIPAMATUD-AN ni Kong. Edgar Chatto ang iyang pagtamud sa kabatan-onan atol sa gubernatorial forum sa Sangguniang Kabataan Provincial Federation.
Gipaminaw sa forum nga giulohan og “The Bohol Agenda: A Youth Political Forum†ang mga opinyon ug programa sa mga kandidato sa pagkagobernador mahitungod sa kabatan-onan.
Wa tungaha ni Bise Gob. Herrera ang forum bisan pa sa imbitasyon samtang didto sab si aktor Cesar Montano.
Buot ni Chatto nga ang sektor sa kabatan-onan kanunayng magpakabana sa mga isyu sa katilingban ug kaugmaran.
Para ni Chatto mahal nga bahandi sa Bohol ang kabatan-onan nga aktibo ug maalamon.
Ang forum gipangunahan ni SK National ug Provincial Pres. Jane Censoria Cajes, kinsa komisyonado sab sa National Youth Commission.
-------------------------------------------------------------------------------------------------------
Linkback:
https://tubagbohol.mikeligalig.com/index.php?topic=26353.0
