Ni Philip A. Cerojano
SuperBalita
Monday, October 29, 2012
NAMALHIN na sa pagparehistro ang pamilÂyang Gutierrez dinhi sa dakbayan sa Sugbo gumikan sa pagpapili ni Annabelle Rama sa pagkakongresista sa north district sa sunod tuig nga piniliay.
Alas 4:30 kagahapon sa hapon, si Eddie GutierÂrez ug iyang anak nga si John Rex, aka Elvis, uban sa iyang uyab nga si Elexa Uichico nagprehistro sa buhatan ni Atty. Marchel Sarno, election officer sa north district, nga giubanan mismo ni Annabelle.
Sila si Eddie ug Annabelle rehistradong mga botante sa Barangay Busay samtang si Elvis sa Barangay Camputhaw diin nahimutang ang iÂÂlang duha ka mga balay.
Karong adlawa gikaÂtakda usab nga magprehistro si Ruffa samtang si Richard magprehistro usab ugmang adlawa.
“Because my wife is a candidate of north district of Cebu City, we want Annabelle to be the congresswoman of the north district of Cebu. That’s why we’re all here supporting her because we know that she’s gonna do a good job and help the poor people of the north district,†padayag sa amahang GuÂtierrez.
Samtang naghuot kaÂgahapon ang bag-ong mga botante sa north ug south district sa dakbayan taliwa sa naglagiting nga kainit sa adlaw.
Ang linya sa mga taÂwo daw hapit na nituÂyok sa WDC building diin nahimutang ang buhatan sa Commission on Elections (Comelec).
Si Sarno nihaÂtag na og alas 10:00 sa bunÂtag nga cut-off time ug gihatagan og priority number ang mga botante nga sagad mga batan-on.
Si Christine Marie Lebumfacil, 18, taga Barangay Inayawan, niingon nga bag-o pa siyang nakahibawo nga adunay rehistrasyon ug rekisito sa pagkuha og barangay clearance.
Si Julieta Pagadora, 40, nga nagbitbit pa og gamay nga bata, nagparehistro aron makapahimos sa benepisyo sa barangay.
Ang election officer nipasabot nga maka accommodate lang sila og labing daghan 500 ka mga botante matag adlaw ug nagtuo siya nga di nila madala ang tanan hangtod sa Oktubre 31.
Linkback:
https://tubagbohol.mikeligalig.com/index.php?topic=56223.0
