Calape, Bohol. Tuig 1998, Eleksyon kadto sa bulan sa Mayo. Si Boy Herrera milansad kontra ni Purita Soliven sa pagkakongresista sa unang distrito sa Bohol. Sa laing bahin, si Julius Herrera milansad sa pagka Mayor sa lungsod sa Calape.
Si Vito Austria, usa ka yanong tawo ug lumalaban sa kandidatora ni Soliven. Sa adlaw sa 1998 eleksyon sa barangay Cabayugan, Calape, samtang siya nagsakay sa iyang motor padulong sa lungsod, kalit lamang nga nakadungog siya nga dihay mipaka ug iyang nabati ang kasakit sa iyang likod. Sa tumang kahadlok mipadagan siyag kusog aron sa paglikay sa iyang mamumuno. Dugang mga buto ug mga bala ang mitaroy pa gayud sa iyang likod, sa wala ug sa tuo nga tiil samtang siya gigukod hangtod sa barangay Ulbujan. Ug sa kalit lamang mibutho sa iyang atubangan ang usa ka pajero ug iyang nakita ang labing makahahadlok nga talan-awon diha sa iyang atubangan, miisa sa kamot gunit ang pusil ug mibira pa gayud sa dugang mga bala nga miigo sa iyang aping, abaga ug bukton. Naputos sa samad sa mga bala ang iyang lawas hangtod nga si Vito nahagbong sa iyang motor ug nalup-og sa karsada.
Nahinumdum ba kamo sa maong balita nga diha sa pamantalaan sa Mayo 1998? Usa ka tawo ang gipusil sa barangay Cabayugan sa lungsod sa Calape. Usa ka krimen nga may kalambigitan ang eleksyon.
Sa samang eleksyon, Mayo 11, 1998, didto sa lungsod sa Dauis nagkagubot ang barangay Mayacabac samtang nag-ihap sa boto kay nagpinusilay ug dihay namatay. Midagan, naghangos ang usa ka lider (kay wala pa man mauso ang cellphone kaniadto nga pwede lang i-text) miadto sa kampo sa mga Herrera ug mibalita. Inay mahingangha ang mga Herrera, usa ka matam-is nga pahiyum ang gihatag ngadto kaniya.
ALAS! Si Vito Austria wala mamatay ultima hora ug gidala sa tambalanan diin siya gitago sa usa ka kwarto aron dili mahibaw-an sa mga armado. Duha ka gabie nga nagtugaw ang mga igsoon, anak ug asawa (nga anak ni Yoyoy Villame) wala mahiluna tungod kay ang hagit sa kinabuhi ni Vito wala mawala. Busa, sa tabang sa iyang mga paryente ug higala, gikawat siya nga luya ug wala pa mahigmata gikan sa hospital ug gitago aron didto hingpit sa iyang mga samad siya magpaayo.
MILAGRO! NABUHI si Vito! Siya ba usa ka buhing saksi kung unsa ka mangtas si Julius Herrera nga mipusil kaniya, ug karon magpapili sa pagka gobernador sa Bohol?
Mao ba kini ang gusto sa mga Bol-anon? Ang pagdumala sa katawhan kanunayng hulga-on? Sama sa Tagbilaran City sa dugay nang panahon ug sa Inabanga karon, mga tawo nagkinto kay Martial Law. Mga Task Force nga abusado, putlan ang koryente kung mosupak ni Mayor Dan Lim, dili makatambong sa mga tapok kung ang Mayor walay pagtugot kay under sa bunal ni Board Member Roygie ang iyang anak Mayor nga si Jono. DILI KITA MOSUGOT NIINI!
Mga Bol-anon, pagmata na! Ang kandidato sa pagkaGobernador kinsa miingon nga “ang kikik normal lamang sa mga politiko†mupusil diay usab og tawo. BUSA BATUKAN TA KINI!
GOB. ERICO MAO BA KINI ANG IMONG KANDIDATO? GAWAS NGA OK RA NGA MANGIKIK ANG POLITIKO, MOPUSIL PA GYUD OG TAWO?
Oy 2 days before sa eleksyon migawas ni nga issue or kamatuoran,
unja Boholtruth wala may nakapatik nga source ani nga han-ay,sa ato pa imo jud ning mga
polong gihan-ay ani? unja gibasa nako og utro, wala may pahayag gikan jud ni Vito nga nakita
nija sa duha ka mata nga ang nition kaniya sa pistola nawong gajod ni Herrera?
Bout ko ba sabton nga ikaw si Vito? kay detalye man kaajo imo estorya anhi?
Dili baya ni basta basta nga kaso kining imong gibuhian,ako curious lang kong tinoud ba niy,
please dont get me wrong ha kay ako dili Herrera ug dili pod botante sa atoa,gikuyawan lang
kong nakabasa,ug naglibog pod ko ngano sa kadaghan nga supporter pod ni Soliven, why si Vito
man ang gi initan daw bih? Morag sa akong bana bana naa pa joy laing hinungdan di ba?
Ug buhi man si Vito wala diay ni gipasakaan ug kaso?
Kakuyaw baya ani ug maohon?
Linkback:
https://tubagbohol.mikeligalig.com/index.php?topic=27817.0
