Kanhi kawani sa lungsod, alalay ug amiga mibulgar
MAYOR CHE GAGAMIT, GANEGOSYO OG SHABU
Sa wa damhang panghitabo, usa ka babayeng kanhi kawani sa munisipyo ug personal nga alalay ang nialegar nga nagnegosyog shabu ug adik si Carmen Mayor Conchita Delos Reyes.
Ang pagbulgar ni Rizalyn Ones Tecson sa babayeng opisyal nagsilbeng sumbalik sa pasangil ug bakak sa naulahi nga si Gob. Edgar Chatto ug kaubanang opisyales sa probinsiya ang nagpakuyanap sa ginadiling drugas sa Bohol.
Si De los Reyes milansar sa pagkagobernador sa United Nationalist Alliance (UNA) ug grupong Bag-ong Bol-anon batok sa reeleksyonistang si Chatto.
“Usa na sija ka (drug) user or addict…Kani si Mayor Che,†way panagana nga nagkanayon si Tecson kinsa nagsilbe kaniadto nga “personal assistant†sa mayor bisan og gisweldohan siya sa lungsod isip encoder.
Inubanan sa iyang bana, si Tecson kalit nga nipakita sa DYRD ug boluntaryong nitingog sa programang Inyong Alagad nga gidumala nila ni Boy Guingguing, Fred Araneta ug Chito Visarra niadtong Lunes.
Si Guingguing mao usab ang publisher sa lokal nga pamantalaang Sunday Post ug si Araneta presidente sa Bohol Tri-Media Association (BTMA). Si Visarra opisyal usab sa BTMA.
Wa nitubag si De los Reyes sa bisan asa nga programa sa radyo aron ihimakak ang grabeng akusasyon hangtud kaganiha.
Sa niaging semana, ang mayor wa nagpa-drug test bisan sa hagit ni Chatto human niya pasanginli ang gobernador nga nalambigit kuno sa ginadiling drugas.
Nagtoo ang kanhi amiga ug sinaligan ni De los Reyes nga plantalya lang ang Beauche, negosyong sabon sa mayor, sa pagproduktog shabu.
Matud ni Tecson nahibulong kaayo siya sa kadaghan og kuwarta ni De los Reyes, nga gitoohan pa niyang bilyonarya, nga wa may halin ang iyang whitening soap.
Gi-angga-an pa ni Tecson ang sabon og “shabon.â€
Bisan og nangintawon siya og proteksyon kay nahulga na ang iyang kinabuhi ug sa iyang bana ug giinitan hasta ang iyang mga ginikanan, nanganti si Tecson nga iyang barugan ang iyang gipanulti sa radyo.
Niadmitir si Tecson nga wa hinuon siya ka kita ni De los Reyes nga nagsuyop og shabu, apan matud niya “niangkon man jud na sija (De los Reyes) kay nag-estorya man mi sa wa pa siya ka lingkud†sa pagkamayor.
Matud niya, gipangutana pa siya ni Delos Reyes kaniadto kon tiggamit “ba pud†siya og shabu.
“Sa panahon nga nagkuyog mi, sir, wa ko ka kita nga nigamit sija pero sa panahon before pa diri sija sa Tagbilaran nag-istambay, ultimo mga tawo (nakahibawo). User na sija, ijang kauban naa pa hangtud karon,†matud ni Tecson sa interbyu sa radyo.
Gitumbok ni Tecson ang usa ka babaye, nga “asawa na karon sa usa ka abogado,†ug lain pang barkada, nga atua na sa Amerika, nga maoy “kauban†ni De los Reyes bisan sa nag-istambay pa siya sa syudad sa Tagbilaran kaniadto.
Si Tecson kasamtangang piyansado sa kaso sa shabu, apan “illegal†matud pa ang pagronda ug pagsikop kaniya sa niaging tuig kay “planted†ang ebidensiyang nakuha sa mga polis nga “gisubornohan†sa mayor og “P25,000†kada usa.
Kini gikumpisal ngadto mismo kaniya sa mga sakop sa SWAT, kinsa ginganlan ni Tecson sa interbyu, kay “nalooy sila kanako, nakonsensiya sila kay gisugo ra sila.â€
Ang nagronda ug nagsikop kaniya sa iyang balay way mga search ug arrest warrant, sumala ni Tecson kinsa gihilantan niadtong higayona.
Nakahinumdum siya nga nagpakita ang mayor og usa ka sachet sa shabu atol sa flag ceremony sa munisipyo ug gipangutanan pa sila kon nakaila ba silag shabu.
Nialegar si Tecson nga ang “tinuod†nga nasuk-an kaniya sa mayor mao ang iyang pagbalibad nga maoy “paguniton sa iyang illegal drugs nga negosyo.â€
“Tungod sa akong pagbalibad, (iyang) ipapatay pa ang akong bana sa iyang twin,†sumala ni Tecson.
Adunay kaluhang babaye si De los Reyes nga maoy iyang market administrator sa Carmen.
Sa wa pa siya ipadakop, si Tecson kalit nga gisuspende sa mayor human niya (Tecson) piyansahe ang iyang pag-umangkon nga nadakpan kay way driver’s license ug rehistro ang sakyanan.
Sa iyang kahimangud, niundang si Tecson sa pagtrabaho isip encoder sa munisipyo.
“Gitanyag†ni Tecson ang iyang kaugalingon bisan sa dakung risgo gumikan sa “kasakit nga gidangatan nako ug sa akong pamilya.â€
Apektado ang pag-eskwela sa iyang mga anak tungod sa death threat samtang namatyan pa gyud siya og walo ka buwan nga apo nga diha kaniya sa sukad sa duha pa kini ka buwan ug sa wa pa siya ipadakop ug ipapriso ni De los Reyes.
Iya usab nga gialegar ang mayor nga tigpayuhot og peke nga kuwarta nga mao pay gigamit sa eleksyon sa 2010.
Apan wa kapasanginli si De los Reyes niini kay, matud ni Tecson, aduna gud siyay mga kontra sa maong eleksyon nga puwedeng kapasanginlan, gawas nga di magduda ang mga tawo kaniya kay gidungog man lage nga subra kakuwartahan.
“Dili ni pasangil ako-a, sir. Unsay akong nahibaw-an nga naa ko sa ijang kiliran, sir, ako andam ko mosulti, sir, kay wala ko mamakak. Tinuod ning tanan,†matud ni Tecson ngadto sa mga anchormen sa DYRD inyong Alagad.
Linkback:
https://tubagbohol.mikeligalig.com/index.php?topic=71994.0
