MikeLigalig.com

Che nasuko nga nasakpan
ang iyang illegal quarrying

NASUKO si Carmen Mayor Conchita De los Reyes nga nasakpan ang illegal quarrying niya ug sa iyang pamilya nga nagsuplay og anapog sa minilyong proyekto sa goberno.

Ang way permiso nga paghakot og anapog ginamit ang ilang pribadong trak de karga nasakpan ug gidakop sa mga tinugyanan sa Bohol Environment and Management Office (BEMO).

Ang nakagil-ad og samot kay ang mga anapog gisuplay ngadto sa proyekto sa kadalanan sa mga barangay ubos sa Kalahi-CIDSS program nga gipondohan sa nasudnong kagamhanan pinaagi sa DSWD ug gitampohan sa kapitolyo ubos ni Gob. Edgar Chatto.

“Pila ka milyon ang nasapi sa mayor gikan sa proyekto sa kagamhanan nga gisakyan sa pribadong negosyo sa iyang pamilya,” nangutana si Provincial Administrator Alfonso damalerio II.

Ang pagkasakop niini maoy nasuk-an ni De los Reyes ngadto kang Gob. Edgar Chatto ug Damalerio, sumala sa sinaligan sa kapitolyo atol sa senemanang programa sa radio nga Kita ug Ang Gobernador.

“On record nga ang mayor sa Carmen nagpahimus pag-ayo sa katungdanan,” nagkanayon si Damalerio.

Ang nadakpan nga hauling truck napamatud-ang gipanag-iya sa pribadong negosyo sa pamilya sa mayor kansang anak sa orihinal nga bana, Paul Ordoñez, maoy giplastada basi sa mga dokumento.

Dokumentado ang mga pagbutyag batok sa dakponon nga kalihukan sa mayor samtang wa siya ka suporta sa iyang mga bakak ug panglingla batok sa gobernador nga buot niyang palayason sa kapitolyo bisan og nagkugi ug nagtinarung si Chatto sa katungdanan.

Matud ni Bokal Godofreda Tirol, hasta ang nagkadaku na kaayo unta nga koleksyon sa Chocolate Hills Complex kahibulongang nihiyos sa dihang gisolo sa banay sa mayor ang pagdumala ug negosyo sa sulod niini.

Mao kini karon nga gitawag og “Checolet” Hills Complex nga ang buot ipasabot “Che (angga sa mayor), collection (sa kita sa complex), ug Lelet (angga sa iyang kaluha nga mao say market administrator),” matud sa mga Carmenanon.

“Kon kanus-a nagkadaghan ang mga turista ug gidoble ang entrance fee mao pa hinuoy pagkupos sa koleksyon sa complex.”

Arogante kaayo si De los Reyes atol sa miting sa komiteba sa Sangguniang Panlalawigan kalabot sa nikunhod nga koleksyon ug iya pang gihapak si Tirol.

Si Tirol natakilpo ug naumod unta sa sementong sawog sa kapitolyo kon taas pa ang takung sa iyang sapatos. matud sa mga nakasaksi.

Nagbinastos si Delos Reyes ug iyang gikwestyon ang paggamit ni Tirol sa apilyedo sa iyang bana.

Napungot niini hasta ang mga dumadapig ni Tirol kay tinuod man nga Tirol ang bana sa board member ug usa ra gyud ang iyang gipakaslan di sama ni De los Reyes nga matud nila nag-ilis-ilis og lalake.

Quote from: jayson on April 16, 2013, 06:18:38 PM
Arogante kaayo si De los Reyes atol sa miting sa komiteba sa Sangguniang Panlalawigan kalabot sa nikunhod nga koleksyon ug iya pang gihapak si Tirol.

Si Tirol natakilpo ug naumod unta sa sementong sawog sa kapitolyo kon taas pa ang takung sa iyang sapatos. matud sa mga nakasaksi.

Nagbinastos si Delos Reyes ug iyang gikwestyon ang paggamit ni Tirol sa apilyedo sa iyang bana.

Napungot niini hasta ang mga dumadapig ni Tirol kay tinuod man nga Tirol ang bana sa board member ug usa ra gyud ang iyang gipakaslan di sama ni De los Reyes nga matud nila nag-ilis-ilis og lalake.

Agoi, nagkalami na ang karambola...

the problem with this site is most of the people commenting about the real situation in bohol is fed from wrong publications like dyrd, bohol chronicle, libota pod tawn ninyo nang atoang probinsya oi aron mong masayod sa tinuod nga sitwasyon sa atoang probinsya.

Kung tinood man ugaling ni, mas maayo ma convicted para klaro jud kong kinsay sad-an.

start na ang ka-bibo diri sa TB kay hapit na gyud election

puro ra reklamo, way napriso.  kihaay mo diha.

kuyawa pud diay ning bajeha

He he, teksas...

ang problema ani ron kung kinsa nilang tanan ang nagtug-an sa tinood hehehehehe

Quote from: jorgeanna on April 26, 2013, 01:30:02 AM
ang problema ani ron kung kinsa nilang tanan ang nagtug-an sa tinood hehehehehe

Ang makatubag ana kadtong nagbuhat sa ingon

Quote from: jayson on April 16, 2013, 06:18:38 PMArogante kaayo si De los Reyes atol sa miting sa komiteba sa Sangguniang Panlalawigan kalabot sa nikunhod nga koleksyon ug iya pang gihapak si Tirol.

hadloka ba ni kun tinuod man galing.  any follow-up story?  nikiha ba si tirol?  naa man kahay saksi mao nga okay unta kun mokiha...

maayo gani kay di wrestling ang nahitabo.  nakakita kog bugno nga makalilisang sa gamay pa ko, duha to sila ka baye nga puro na minyo.  terrifying.  nagka-panty-panty intawon ang duha.  sa akong kahadlok nihangyo ko sa akong papa nga tudloan kog karate.  giingnan ra man hinoon kog mas maayong mo-practice na lang kog dagan.  true enough, na-contestant hinoon kog kaduha ug 100-meter dash.

aw kung tinood pa siguro ning "iya pang gihapak si Tirol" surely headlines na ni sa bohol karon but wala gyud ko nakadungog ani nga balitaa