Nasayop si Bise Gob. Herrera sa iyang papg-akusar nga naghinubra ang gasto sa buhatan ni Kong. Edgar Chatto.
Ang bise gobernador wa nagsulti sa tinuod basi sa sertipikasyon ni Lourdes Jayme, hepe sa accounting service, ug Elisa Navalta, deputy secretary-general for finance, sa House of Representatives.
Giklaro sa sertipikasyon nga ang usa ka kongresista gitugotan nga adunay unom (6) ka mga central office staff.
Apan kon ang kongresista usa usab ka tsirman sa komiteba, ang iyang buhatan puwedeng modugang og duha (2) ka staff kansang termino co-terminus sa chairmanship sa magbabalaod.
Nunot niini gitambagan ni Chato ang bise gobernador sa pagsusi una sa iyang record sa di pa magpataka og akusar.
Si Chatto maoy chairman sa komiteba sa turismo, usa mga standing committees sa Kongreso.
Gumikan niini, siya adunay mas daku nga alokasyon kaysa kongresista nga dili chairman og komiteba.
Ang bise gobernador niakusar ginamit ang dokumento sa COA mahitungod sa lista sa mga itemized nga kantidad nga nabayad ug nagasto para sa matag sakop sa Kongreso.
Gilipat-lipat ni Herrera ang mga Bol-anon kay sayop siyang niakusar nga ang nagasto naglambigit sa tuig 2009 kanus-a daku matud pa ang pondo para sa iyang mga central office staff.
Isip senior member sa Kongreso, si Chatto gipili nga chairman sa komiteba sa turismo.
Gumikan niini, iyang gihimo ang mga katungdanan sumala sa gimando sa Rules of the House.
Matud ni Chatto gibayran ang mga staff ug ilang serbisyo sumala sa ilang kahibawo ug kapasidad aron ang komiteba epektibong maglihuk sumala sa gidahum sa katawhan.
Ang komiteba sa turismo kanunayng naghimo og mga public hearing sa mga balaodnon, ug napasar ang mga balaod alang sa kaugmaran sa turismo.
Sa pagkuha og mga staff alang sa komiteba, ang bugtong anaa sa hunahuna mao ang kahigayonan alang sa maayong panerbisyo sumala ni Chatto.
Ang sertipikasyon sa accounting service ug finance department sa Kongreso nagpasabot nga ang gidaghanon sa mga staff ni Chatto gitugot sa balaod.
Sukwahi niini, gihagit sa mga lider sa kalungsoran si Herrera sa pagpakatinuod ug motug-an nga gatosan ka kaswal ang iyang gikatag sa probinsiya para sa pulitika ginamit ang pondo sa goberno.
Linkback:
https://tubagbohol.mikeligalig.com/index.php?topic=26485.0
