Tiniyak ngayon ni dating Agriculture Secretary at ngayon ay Bohol Rep. Arthur Yap na bukas siya sa pagbibigay ng pahayag sakaling hilingin ito sa balak na muling pagbubukas sa usapin ng fertilizer fund scam.
Sa pagdalo ni Yap sa orientation ng mga bagong mambabatas sa Kamara, sinabi nitong natutuwa siya sa pagbabalik sa bansa ng kaniyang dating "boss" na si Cito Lorenzo.
Ayon kay Yap, mas mabuting si Lorenzo na umano ang magsalita sa usapin dahil ito ang pinuno ng kagawaran noong bilhin ang mga kontrobersyal na fertilizer na sinasabing pinamahalaan ni dating Undersecretary Jocelyn "Joc-joc" Bolante.
Pero agad nilinis ng dating kalihim ang sarili dahil sa Luzon region umano siya nakatalaga noon at wala siyang direktang kaugnayan sa mga ganitong transaksyon.
Linkback:
https://tubagbohol.mikeligalig.com/index.php?topic=36799.0
