MikeLigalig.com

Ni Darrel A. Carumba (Banat) | Updated December 15, 2012 - 12:00am


CEBU, Philippines - Gipahibawo ni congressional candidate Aristotle “Totol” Batuhan sa South district sa dakbayan sa Sugbo nga tinguha gyud niya ang pagbungkag sa Commission on Elections kon Comelec.

Matud pa niya napuno na og buling ang maong ahensiya ug dili na kini kasaligan pa nga makapatuman og reporma alang sa pagpahigayon og hapsay ingon man makiangayon nga piniliay.

Gibutyag ni Batuhan sa Banat News nga dili siya magmakuli pagpasar og balaudon alang sa pagbungkag sa Comelec kun  buligan siya ang pilion sa mga taga south district sa bulan sa Mayo.

Alang kang Batuhan ubos sa gisugyot niyang paga-umolon nga ahensya nga magsilbing hulip sa Comelec gikinahanglan dili na tugutan ang mga kandidatu nga maoy makapaimprinta og mga campaign posters aron patas ug walay makabintaha nga kandidatu. Gihulagway ni Batuhan nga sa kasamtangan nagpatuyang ang adunahang kandidato pagprinta og campaign posters.

Gipasabot ni Batuhan maayo ang mao niyang sugyot tungod kay pinaagi unya niini bisan kadtong mga kabus nga kandidato makasugakod sa kampanya ug eleksyon.

Si Batuhan maoy kandidatu sa Team Rama ni Mayor Michael Rama sa pagka kongresista sa South district samtang si Konsehal Rodrigo “Bebot” Abellanosa maoy kandidato sa Bando Osmeña Pundok Kauswagan kon BOPK ni Kongresista Tomas Osmeña nga maoy moatbang ni Rama. (/EIM) (BANAT NEWS)

Agoi, sugod na pud ang panglingla...

Quote from: hubag bohol on December 15, 2012, 06:47:52 AM
Agoi, sugod na pud ang panglingla...

Bisag unsaon pag reproma, dili motuoo ang mga kandidato, wala pay campaign period, daghan nang poster sa nakapalastar nag maayo labi na kadtong mga kwartahan. Ang Comelec way ekabadlong.

Nangusog man gyud. So Totol, total tutol man ka ani, ikaw na lang ang mag comelec.