Ang Panaw sa Gimino nga Paninguha
Sinulat ni Marcelo Geocallo
Wala kay kasayoran kon unsaon pagtagkos
sa mga linya sa hugot nga pagkalubid sa sinamali nga paagi.
Apan bisag giunsa
nkmo pagtantiya sa naglilo nimong kaisipan nagpabiling haw-ang, walay masindol nga bayanan,
mao kiniy talan-awon sa nasaag nga diwa
nga gidunghayan sa hagkot nga singot ang tagoangkan sa Utok, wala gayoy mahagdaw nga katahom, walay nanambilagaw nga paglaom sa paghimpos sa nag-ukun-ukon, naghimba mong salabotan.
Ingon unta niini ang angay nimong himoon: Gawas, ug pakigtipon sa daghang nagduhirawng Utok,
ambiti ang aduna sa uban, ug ayaw ihikaw kanila kon unsay anaa kanimo, maaghopong silaw sa birtud nga imong kaplag.
Ang Panaw nimo sa literatura hanoy nga makadunggo sa laing baybayon. Ang unsay gitumbok nimo sa imong
panaw makapagaan sa nag-ungaog nimong tampihak ug kulyar sa mga bulak
Ikasab-ong sa imong
dughan, dinhi, nahimo na ikawng hingpit nga Magbabalak!
-- Marcelo A. Geocallo
news.mikeligalig.comLinkback:
https://tubagbohol.mikeligalig.com/index.php?topic=122865.0
