normal_post - Social Amelioration Program via DSWD - Philippine Government Author Topic: Social Amelioration Program via DSWD  (Read 285 times)

MIKELIGALIG.com

  • FOUNDER
  • Webmaster
  • *****
  • avatar_1382_1499847132 - Social Amelioration Program via DSWD - Philippine Government
  • Posts: 25211
  • medal1 - Social Amelioration Program via DSWD - Philippine Governmentmedal2 - Social Amelioration Program via DSWD - Philippine Governmentmedal3 - Social Amelioration Program via DSWD - Philippine Government
  • NEED A WEBSITE? email me: info@mikeligalig.com
    • Share Post
clip - Social Amelioration Program via DSWD - Philippine Government
Social Amelioration Program via DSWD
« on: April 09, 2020, 12:06:43 AM »
KALUNGSURAN NGA NAGKADIPODIPO OG COMPLY SA REQUIREMENTS SA SOCIAL AMELIORATION PROGRAM? Basa ani.

3 dokumentos una iduso, alang sa
Social Amelioration Program-DSWD

TAGBILARAN CITY, Bohol, April 2 (PIA)—Tulo lang una ang gikinahanglang dokumentos nga iduso sa mga kalungsuran aron makaapil sila sa mga listahan sa mga benepisaryo sa Emergency Subsidy Program o mas nailhan nga Social Amelioration Program nga saad sa Bayanihan To Heal As One Act nga ang tagal, sa Biyernes na, April 3. 

Kini maoy gibutyag ni Department of Social welfare and Development (DSWD) Social Welfare and Development Bohol Team leader Rhea Marie Tubongbanua, didto sa Kapihan sa PIA Huwebes, Abril 2.

Kini samtang daghan na ang mga lokal nga mga kagamhanan ang nagpapulaw sa ilang mga tawo aron makaapas sa gitagal nga petsa kanus-a kinahanglanon sa DSWD ang mga nahauna nga rekisitos aron ang lungsod makaapil sa gisaad nga tag P6,000 nga cash subsidy alang sa mga residente sa kalungsuran nga ubos og kita unya apektado pa gyud sa gipatuman nga mga kwarantinas.

Mahimong makadawat sa nahisgutan nga ayuda nga mahimong kwarta o non-cash benefits, ang mga senior citizens, persons with disability, buntis ug nagpasuso, solo parents, OFW nga wala nay kita, mga Indigenous People, mga kabus, nga trabahante sa informal sector, mga inadlawan ug kadtong gagmay ra og kita.

Kahinumduman nga human gisaab ang abag pinansyal, naghimo gilayon ang mga ahensya nga nalangkob og Joint Memorandum Circular aron may kahiusahan sa paghatag sa mga hinabang.

Niini, gipangayo dayun ang mga dokumento gikan sa mga kalungsuran aron iduso ngadto sa DSWD aron makaapas sa tagal nga maapil sa mga makakuha sa tabang.

Apan, daghang kalungsuran ang mibati nga dili na nila maapas ug ma-atul pa ang paghipno sa Social Amelioration Cards, ang forma nga kinahanglang i-fill-up sa amahan sa banay ug usa sa mga basehan sa kagamhanan sa pag-ila kon ang panimalay, angayan ba nga makadawat sa hinabang.

Una na nga giaghat sa Department of Interior and Local Government ang mga local nga kagamhanan nga paspasan ang pagkuha sa Social Amelioration Card Forms, aron mas mapadali ang pagpagawas sa hinabang.

Hinuon, ang gikinahanglan nga ma-una, matud pa sa DSWD didto sa Kapihan, mao ang Memorandum of Agreement nga magasaysay sa kabuot sa lungsod nga mopatuman sa Emergency Subsidy Program.

Usab, matud ni Tubongbanua, ang MOA kinahanglan nga magtaban na usab sa Sangguniang Bayan resolution nga nagtugot sa mayor sa paglagda sa MOA tali sa lungsod ug sa DSWD.

Ikatulo nga importante nga iduso sa lungsod ngadto sa DSWD mao ang Project Proposal nga magasaysay sa kadaghanon sa mga benepisaryo.

“Mahimo nga dili pa iduso ang Social Amelioration card Forms,” paapas ni Tubongbanua aron hupayon ang kahingawa sa mga opisyales sa mga barangay nga kasamtangan pang nagkamolo og tuman sa mga listahan sa mga benepisaryo.

Hinuon, dugang sa team leader sa DSWD Bohol, importante usab kayo nga ikapasa ang Social Amerlioration Cards Forms, apan mahimo nga dili una alang sa Biyernes, ang gitagal nga panahon alang sa mga dokumentos.

Matud sa DSWD, kon kompleto ang mapasa nga dokumentos, sulod sa 48 oras, mahimo nga ikadownload na ang hinabang nagdto sa mga kalungsuran nga makahipno na sa ilang Social Amelioration cards.  (rahchiu/PIA-7/Bohol) 

HULAGWAY:
UNAHA NA LANG ANG TULO, Tambag ni DSWD SWAD Bohol Team Leader Rhea Marie Tubongbanua samtang gipangutana kabahin sa mga dokumentos nga gikinahanglan sa lungsod aron ang iyang mga residente makaapil sa P6,000 nga tabang sa kagamhanan sa mga pamilyang apektado sa Covid-19. Unan nga gikinahanglan ang MOA sa lungsod ug DSWD nga pirmado sa Mayor, ang Sangguniang bayan resolution nga magtugot sa Mayor paglagda sa MOA u gang project proposal sa lungsod nga mag-apil na sa target beneficiaries. (PIA-7/Bohol)

* Stay at Home and START YOUR OWN blog site, business or personal website, or e-commerce store at www.wirenine.com



Linkback: https://tubagbohol.mikeligalig.com/index.php?topic=92470.0
Romans 10:9-10
"If you declare with your mouth, Jesus is Lord, and believe in your heart that God raised him from the dead, you will be saved. For it is with your heart that you believe and are justified, and it is with your mouth that you profess your faith and are saved."

*SET UP YOUR OWN blog, business or personal website, or online store at www.wirenine.com




Share via facebook Share via linkedin Share via pinterest Share via reddit Share via tumblr Share via twitter

clip
P73.7-B downloaded to LGUs for social amelioration: DSWD

Started by joan.ligalig on Philippine Daily News

0 Replies
124 Views
Last post April 26, 2020, 10:03:55 AM
by joan.ligalig
clip
Social Amelioration Program

Started by MIKELIGALIG.com on LGU Philippines

0 Replies
837 Views
Last post April 01, 2020, 07:22:23 PM
by MIKELIGALIG.com
 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal