By Usec Hope Libiran
When I was still with DOTr before, I always hear Sec Art Tugade say: “I want transportation to become a great equalizer, which the rich and the poor can ride and enjoy. This is not anti-poor. This is anti-poverty.”
And so I understand his desire to see this program through.
Which is why amid the recycled issues used by some groups to delay, I put my wholehearted support towards the implementation of the PUV Modernization Project.
Ang daming kumakalat na fake news ngayon. Kinakalat nila na higit dalawa o tatlong milyon piso raw presyo ng lahat ng modern PUV, mawawala daw yung original na disenyo ng jeepney, puro daw gawang China ang mga PUV, at anti-poor daw ang modernization ng jeepney. And so allow me to refresh our memory.
BAKIT NGA BA ISINUSULONG NG GOBYERNO ANG PUV MODERNIZATION?
1. Ang pag-operate ng mga jeepney na bumubuga ng makapal na usok ay nakamamatay. Scientific studies show that air pollution kills. According to the Department of Environment and Natural Resources (DENR), more than 80% of air pollution in Metro Manila comes from unabated emissions of motor vehicles.
2. Kadalasan, ang mga luma at karag-karag na jeepneys ay hindi name-maintain, kaya ang mga ito ay karaniwang nai-involve sa aksidente.
Narito ang summary ng PUJ-related Road Crash Statistics mula 2016-2019 sa Metro Manila, ayon sa Metro Manila Accident Reporting and Analysis System ng MMDA:
Damage to Property - 33,230
Fatal - 130
Non-Fatal Injury - 6,777
Ang tanong, bakit madalas nai-involve sa aksidente ang mga luma at karag-karag na jeepney? Kasi nga:
- Wala silang economies of scale para makapag-invest sa fleet maintenance
- Walang silang regular preventive maintenance. Nagche-checkup lamang sila kapag sira na ang jeep
- Walang palitan ng gulong hangga’t hindi ito napupudpod
- Dahil boundary basis, nagkakarerahan ang driver para makakuha ng pasahero. Sagad ang gamit ng jeepney ng driver. Susulitin nila ang biyahe bago ibalik sa may-ari ang jeep. Kaya ang ibang driver, nahuhuling gumagamit ng droga, dahil sa kagustuhan nilang mapanatili ang sarili nilang gising sa matagal na byahe. Madaling araw pa lang, biyahe na agad hanggang bago mag-hating gabi.
3. Ang PUV Modernization ay ipinatupad ng DOTr noon pang 2017. Binigyan ng tatlong taong transition period ang ating mga operator upang mag-consolidate at magkaroon ng modernized units. Originally, ang deadline for consolidation of franchises ay dapat na hanggang noong 2020 lang, subalit ito po ay makailang-ulit nang in-extend dahil sa pandemya.
4. Ang PUV Modernization Program ay hindi anti-poor. Ito po ay ANTI-POVERTY.
Ilang dekada at administrasyon na po ang nagtangkang magpatupad ng modernisasyon sa pampublikong transportasyon, ngunit sa tuwing mabubuhay ito, may mga grupo na magsasabing ito ay anti-poor.
Sabi pa ni Sec Art noon, naiintindihan niya na madalas ay ginagamit ng iba na rason ang pagha-hanapbuhay upang gumawa ng mga bagay na hindi naaayon sa batas. Sinusuportahan naman aniya ng gobyerno ang paghahanap-buhay, basta hindi lamang magiging dahilan ang paghahanap-buhay mo ng pagkitil ng buhay ng iba.
Anti-poor bang matatawag kung mabibigyan ang mga commuter ng dignidad sa pag-commute?
Anti-poor bang matatawag kung INAALIS ng programa ang BOUNDARY SYSTEM, KULTURA NG UNAHAN sa kalsada, LABU-LABONG RUTA, matagal na hintayan, pagsakay at pagbaba ng pasahero kung saan-saan, SABIT, at POLUSYON dala ng maitim na usok?
Anti-poor ba kung ginugusto ng pamahalaan na ang mga driver, maging SWELDUHAN, at may fixed na oras lamang ng pagmamaneho upang mapangalagaan ang kanilang kalusugan at mabigyan sila ng mas mahabang oras para sa kanilang pamilya. Gusto natin, may benepisyo sila gaya ng SSS at PHILHEALTH?
6. WALANG iniendorso na modern PUV design or manufacturer ang DOTr at LTFRB. Basta kung pasado ang sasakyan sa Philippine National Standards, at naka-align sa Omnibus Franchising Guidelines (e.g. may low-floor entry, nasa gilid ang pintuan, may CCTV, may GPS, may speed limiter, equiped with automatic fare collection system, among others), maaring ibenta ‘yan.
OPERATOR PO ANG MAMIMILI KUNG ANONG DISENYO NG PUV ANG GAGAMITIN O GUGUSTUHIN NILA PARA SA KANILANG RUTA.
Napakarami pong manufacturers na pwedeng pagpilian. Nandyan ang Toyota, Hyundai, Gazelle, Sarao, Francisco Motors, Isuzu, at marami pang iba.
Lahat ng modern PUVs ay dumadaan sa DTI Bureau of Product Standards upang ma-check kung ang mga ito ay compliant sa Philippine National Standards, whose reference is UN-ECE standards.
Huwag maniwala sa fake news na gawang China lahat ang mga modern PUVs katulad ng pinakakalat ng ilan. Hindi rin totoo na mawawala ang disenyong pinoy.
Most of the models are proudly made and assembled here in the Philippines. It provides jobs to thousands of workers. From the tires, glass, battery, seatbelts, and headlights— these are made in the Philippines na. Marami na ang natulungang pamilyang Pilipino ng modernization program na ito.
Check out various designs of modern PUVs in this post:
https://www.facebook.com/130406490431829/posts/1730679023737893/?extid=owwEcHgqMXEb7wDs&d=n6. Nasa 2 or 3 milyon daw ang halaga ng lahat ng ibinibentang modern PUV? Hindi po totoo ‘yan. Napakaraming manufacturer. Price ranges from P900k to P2.6-Million, depende sa laki, disenyo, specs, makina, etc.
Walang pong kinalaman ang DOTr sa presyo ng mga PUV. Nasa manufacturer po ‘yan. Syempre, kung mas malaki ang sasakyan, mas high tech ang specs at kung airconditioned, mas mahal.
But then again, desisyon po ng operator kung saang manufacturer sya kukuha o anong design ang pipiliin nya na naaayon sa pangangailangan n’ya.
7. ANO ANG TULONG NG GOBYERNO PARA SA MGA TSUPER AT OPERATOR? Naglunsad ang gobyerno ng iba’t-ibang pamamaraan noong mga nakaraang taon upang matulungan ang mga tsuper na maaaring maapektuhan ng programa. Nandyan ang Tsuper Iskolar na programa ng TESDA na naglalayong makapagbigay ng sapat na livelihood training para sa mga tsuper, operator at kanilang immediate family members.
Binibigyan din ng suporta ng gobyerno ang mga operator o driver na interesadong mag-modernize ng kanilang mga unit. Nariyan po ang pagbibigay ng P160K subsidy, 5% downpayment (samantalang nasa 10-20% and up ang pinapayagang downpyment para sa mga car loans), 6% interest (higit na mababa rin kumpara sa usual interest rates para sa vehicle loans), at extended repayment period na hanggang 7 years.
Maraming salamat po.
* * *
Affordable Wordpress website host at
www.greengeeks.com Linkback:
https://tubagbohol.mikeligalig.com/index.php?topic=124193.0
