normal_post - DOTr Assistance to Drivers - Philippine Government Author Topic: DOTr Assistance to Drivers  (Read 107 times)

MIKELIGALIG.com

  • FOUNDER
  • Webmaster
  • *****
  • avatar_1382_1499847132 - DOTr Assistance to Drivers - Philippine Government
  • Posts: 25211
  • medal1 - DOTr Assistance to Drivers - Philippine Governmentmedal2 - DOTr Assistance to Drivers - Philippine Governmentmedal3 - DOTr Assistance to Drivers - Philippine Government
  • NEED A WEBSITE? email me: info@mikeligalig.com
    • Share Post
clip - DOTr Assistance to Drivers - Philippine Government
DOTr Assistance to Drivers
« on: April 08, 2020, 11:51:54 PM »
DOTr may hinabang usab
SAP, alang sa mga drivers

TAGBILARAN CITY, Bohol, April 7, (PIA)—Alang sa mga tourist van drivers sa Bohol nga temporary nga naundang ang trabaho tungod sa coronavirus disease (COVID-19), aduna usab pinahaum nga Social Amelioration Program (SAP) sa kagamhanan, gikan sa Department of Transportation (DOTr).

Pinaagi sa Land Transportation Franchising and Regulatory Board (LTFRB) ang SAP alang sa mga drivers naglakip sa banay sa mga drivers sa Public Utility Jeepney, Utility Van (UV) Express, Public Utility Bus (PUB), Point to Point (P2P), Taxi, Transport Network Vehicle Service (TNVS), School Transport, Tourist Transporters ug motorcycle taxi nga kang kinsa nga mga pamilya nalakip sa hut-ong sa katilingban nga dunay dyutay lamang ang kita.

Segun sa LTFRB, mahimong makakuha ang banay nga nagsalig lamang sa driver sa P5,000.00 ngadto sa P8,000.00, apan dinhi sa Bohol, subay sa rehiyonal nga basehan, P6,000 ang madawat.

Matud pa, magpagawas ang LTFRB sa mga listahan sa mga driver ug  ang panahon kanus-a nila makuha ang ayuda, gikinahanglan lamang sa mga drivers nga magdala og lisensya ug photocopy sa iyang lisesnya nga may duha  ka pirma.

Hinuon, kadtong mga driver nga nahalakip na sa listahan sa Pantawid Pamilyang Pilipino Program, dili na makadawat, ug aron mas daghan pa nga pamilya nga naapektohan sa community quarantines sa COVID,  ang makadawat og dyutay nga alibyo.

Kon pananglitan, wala sa listahan sa LTFRB ang driver, mahimo siya nga manawag sa 1342 LTFRB Hotline ug sa DSWD Hotline 8951-2803 aron usab mapatin-awan sa proseso sa pagdawat sa ayuda.

Ang ayuda, segun pa sa DOTr, makuha sa labing duol nga sanga nga buhatan sa LandBank of the Philippines.         

Ang mga drivers, makadawat og bali og kaduha usab: Sa Abril ug sa Mayo ning tuiga, segun sa LTFRB.

Ang ayuda mahimo nga makuha sa driver sulod sa 30 ka adlaw sa pagsugod og panghatag niini, o gani hangtud nga wala pa molapas sa rehiyonal nga tagal sa pagkuha niini.

Gitataw usab sa LTFRB nga ang ayuda alang lamang sa driver ug sa iyang banay ug walay apil niini ang conductor.

Gani, aron mas makatabang pa kini, kadtong mga drivers nga expired na ang lisensya, mahimo gihapon nga makadawat, kon ang expiration, wala pa moabut sa unom ka buwan, ug kon sa higayon nga naembargo pa ang iyang lisensya sa LTO, mahimo ang driver nga mopakita sa iyang gihuptan nga Temporary Operators Permit (TOP), ID nga gi-issue sa goberno nga may litrato og pirma, o photocopy sa ID nga patabanan sa duh aka pirma.

Kon dili makalugar ang driver sa pagclaim sa ayuda, mahimo kini mopadala sa iyang representante nga magbitbit sa Letter of Authority o Authorization, drivers license sa benepisaryo o iyang ID nga may litrato ug pirma, photocopy sa drivers license nga may duha  ka pirma sa tag-iya, ug balido nga ID nga gi-issue sa kagamhanan.

Alang sa dugang kasayuran tawag sa LTFRB Hotline sa numero 1342  ug sa DSWD Hotline 8951-2803 alang sa diugang kasayuan ug pagpatin-aw. (rahchiu/PIA-7/Bohol)

* Stay at Home and START YOUR OWN blog site, business or personal website, or e-commerce store at www.wirenine.com



Linkback: https://tubagbohol.mikeligalig.com/index.php?topic=92464.0
Romans 10:9-10
"If you declare with your mouth, Jesus is Lord, and believe in your heart that God raised him from the dead, you will be saved. For it is with your heart that you believe and are justified, and it is with your mouth that you profess your faith and are saved."

*SET UP YOUR OWN blog, business or personal website, or online store at www.wirenine.com




Share via facebook Share via linkedin Share via pinterest Share via reddit Share via tumblr Share via twitter

 

SMF spam blocked by CleanTalk
Powered by SMFPacks SEO Pro Mod | Sitemap
Mobile View
SimplePortal 2.3.7 © 2008-2020, SimplePortal