DA manghatag og P 5K sa
Gagmay’ng manghuhumay
TAGBILARAN CITY, Bohol, April 6, (PIA)—Gawas pa sa mga relief goods sa bugas ug mga delata ug sa kwarta nga hinabang nga ihatag sa kagamhanan aron kubsan ang kapait nga nahi-aguman sa mga kabus ug mga trabahante nga apektado sa gipahugtan nga Community Quarantines, ang Financial Subsidy for Rice Farmers (FSRF) lahi usab sa Rice Farmer Financial Assistance (RFFA) nga giandam usab alang sa mga tigpanghumayan nga naagin niining kalisud.
Dala sa sa hulga sa Coronavirus disease (COVID-19), giandam usab sa kagamhanan ang P5,000 nga one-time nga ihatag nga tabang sa kantidad nga P5,000 ngadto sa mga kwalipekado nga mag-uuma sa humay.
Ang P5000 nga hinabang adto i-agi sa mga tumbok nga mga government financial institutions (GFIs), segun pa sa Joint Memorandum Circular No. 1, series of 2020 nga gilagdaan sa Department of Social Welfare and Development, Department of Agriculture, Department of Trade and Industry, Department of Labor and Employment, Department of Finance (DOF), Department of Budget and Management (DBM) ug sa Department of the Interior and Local Government (DILG).
Ang hinabang, alang sa mga tigpanghumayan kang kinsa nga nga kinatibuk-an nga mga luwang nga gitamnan, usa ka ektarya ngadto sa mas gamay pa.
Matud sa Department of Agriculture (DA), kapin sa 600 mil ka mag-uuma ang mahimong makadawat sa cash subsidy sa mga mag-uuma sa humay aron may ikapamalit saila ning panahon sa quarantine.
Ang FSRF kabahin sa mga inisyatiba sa DA sa pagtabang sa gagmay nga mag-uuma sa humay nga may gagmay’ng luna sa 24 ka lalawigan nga dili moqualify sa RFFA program.
Pinaagi sa Land Bank of the Philippines, sugdan sa DA ang pagpanghatag sa P5,000 FSRF cash subsidy sa sunod semana.
Kini human nahatagan usab ang kapin sa 600,000 ka mag-uuma nga nagtikad sa duh aka ektarya kapin nga humayan ang una na usab nga nahatagan sa P5,000 ubos sa RFFA.
Makadawat sa nahisgutan nga hinabang ang mga mag-uuma nga nakalista na sa updated nga listahan sa Registry System for Basic Sectors in Agriculture (RSBSA) base sa aprobado nga proseso sa pag-update ug pagrehistro.
Ug, sa paghatag niini, kini ipasubay sa Republic Act 11465 o ang General Appropriations Act Fiscal Year 2020 Special Provision No. 14, nga nagmandu sa Financial Subsidy to Rice Farmers.
Kahinumduman nga ang napalabang nga Bayanihan To Heal As One Act nga naghatag ni President Rodrigo Duterte sa dugang gahum ehekutibo, sa pagpagamit na saw ala pa mahatag nga mga natigum gikan sa 2019 ug sa 2020 nga mga napahat nga kwarta nga unta ihatag agi og hinabang.
Sa pagpang-apud-apod sa tabang pinansyal ubos sa Department of Agriculture, ang mga GFI mahimo nga mogamit sa bisan hain man niini nga mga gikasabutan nga pamaagi: Cash Card, Cash Card sa uban nga natugotan nga bangko, o Over-the counter (OTC) payments.
Mahimo usab nga ang hinabang ipaagi sa mga kasagarang gipaagi-an sa tabang sa mag-uuma sama sa Countryside Financial Institutions (o mga rural banks, cooperative banks, ug thrift banks), sa mga accredited Cooperatives; Telecommunication Companies (TELCOs) ug sa Accredited Remittance Centers/Companies.
Gani, mahimo usab, segun sa JMC nga kini adto ipaagi sa Automated Teller Machines (ATMs) nga gidumala sa mga Rural Banks; ug sa uban pang agi-anan sa kwarta nga gitugotan ug gikasabutan sa DA ug sa GFI.
Kini, samtang ang DA Central Office (DA-CO) u gang DA-Regional Field Offices ug mga local usab nga kagamhanan mahimong magtanyag usab sa hinabang pinaagi sa matumbok nga mga GFIs sa pagpatuman sa nahisgutan nga mga pamaagi sa pay-out, matud sa JMC.
Alang sa dugang kasayuran kabahin niini, pakisayud gikan sa DA ug sa Municipal Agriculture Office sa inyong tagsatagsa ka kalungsuran. (rahchiu/PIA-7/Bohol)
* Stay at Home and START YOUR OWN blog site, business or personal website, or e-commerce store at
www.wirenine.comLinkback:
https://tubagbohol.mikeligalig.com/index.php?topic=92466.0