Bayanihan cash subsidy sa
Kapihan sa PIA sa Hwebes
TAGBILARAN CITY, Bohol, April 1 (PIA)—Human mapalusot ang Bayanihan To Heal As One Act nga naghatag og gahum ni Presidente Rodrigo Duterte sa pahat og usab sa mga natigum sa 2020 nga budget ug sa 2019 nga budget lakip na ang mga pundo sa mga government-owned o -controlled corporations (GOCCs) aron pundohan ang mga programa sa pagbatok sa COVID-19.
Kini kalakip sa gilatid nga P200-billion emergency subsidy program, ang labing daku nga pakete sa tabang pinansyal sa kasaysayan sa nasud alang sa kabus nga pamilyang Pilipino.
Gitumong niini nga abagan ang 18 milyones ka mga banay sa mga ubos og kita nga mga Pilipino nga nawad-an ug nakibrahan sa kita dala sa kaguliyang nga dala sa COVID-19.
Gina-ingon nga makapahat ang P8,000 ngadto sa P5,000 nga cash subsidy alang sa duha ka buwan diha sa Bayanihan To Heal As One Act.
Segun sa pasiuna nga kasayuran, ang kantidad nga madawat sa us aka pamilya, magsubay sa daily minimum wage sa rehiyon diin sila nahimutang.
Niini nga mga benepisaryo, 4.3 milyones ka banay ang tigdawatan na sa P2,150 average monthly subsidy gikan sa Conditional Cash Transfer (CCT) sa Department of Social Welfare and Development (DSWD) subay sa Pantawid Pamilyang Pilipino Program (4Ps) program.
Hinuon, dinhi sa Bohol, wala pay tataw nga kasayuran kon unsay pamaagi sa paghatag, butang nga gisangon na karon ngadto sa Department of Social Welfare and Development (DSWD).
Alang niini nga hisgutanan, ang kapihan sa PIA sa Huwebes, Abril 2, magtutok sa mga mekanismo kon unsaon sa usa ka banay nga makakuha niini.
Ang Kapihan sa PIA sa Huwebes uban sa DSWD Social Welfare and Development Center sa Bohol uban sa ilang teamleader nga si Rhea Marie Magbanua ug mga kaubanan.
Ang Kapihan sa PIA, mabati sa DyTR 1116 sa adlaw nga Huwebes alas 4:00 ngadto sa alas 5:00 sa palis. (rahchiu/PIA-7/Bohol)
* Stay at Home and START YOUR OWN blog site, business or personal website, or e-commerce store at
www.wirenine.comLinkback:
https://tubagbohol.mikeligalig.com/index.php?topic=92471.0