The Philippines > OFWs Worldclass Filipinos

PINOY NURSES LAGPAK SA ENGLISH EXAM SA UK

(1/1)

MikeLigalig.com:
PINOY NURSES LAGPAK SA ENGLISH EXAM SA UK, CHED HINIMOK UMAKSYON

Hinimok ng isang mambabatas ang Commission on Higher Education (CHED) na aksyunan ang tila paghina ng kahusayan ng mga Pilipino nursing graduates sa wikang Ingles.

Nitong Setyembre, 52 sa 59 na Pilipinong nurses na ni-recruit sa Maynila para magtrabaho sa isang ospital sa United Kingdom ang lumagpak sa English language test kayat di sila makapag-uumpisa sa pangarap nilang trabaho.

Ikinalungkot ni Bagong Henerasyon Representative Bernadette Herrera-Dy ang naunsiyaming pangarap ng mga Pinoy nurse at hinimok ang CHED na gumawa ng hakbang para tiyaking di na mauulit ang kahalintulad na pangyayari.

“Makikipagpulong ako sa mga dekano ng nursing schools at mga opisyal ng CHED para maisa-isa namin ang mga hakbang na pwedeng gawin pati na para matukoy kung may mga patakaran ba na dapat isulong sa Kongreso para matulungan ang ating mga nursing students at graduates para mapahusay ang kanilang kakayahan sa banyagang wika,” ani Herrera-Dy, Chair ng House Committee on Public Information.

Makikipagpulong din ang kongresista sa mga opisyal ng Department of Education para matugunan ang problema [sa English competencies] sa antas pa lang ng basic education.

Ayon sa tala, humigit-kumulang 80,000 estudyante ang nagtatapos ng kursong nursing kada taon habang humigit-kumulang 25,000 naman ang kumukuha ng nursing board exams kada taon.

Sa tala ng Professional Regulations Commission, “"3,882 out of 11,176 passed the Nurse Licensure Examination given by the Board of Nursing in the cities of Manila, Baguio, Cagayan de Oro, Cebu, Davao, Iloilo, Legazpi, Lucena, Pagadian, Tacloban, Tuguegarao and Zamboanga this June 2017."

Nakatakdang idaos ang nursing board exams sa darating na November 25 at 26.

Naiulat na kung pumasa sana ang mga nurses sa naturang exam, tatangap sila ng "£3,000 recruitment and retention bonus paid over 26 months, flexible working hours, and a relocation loan.” Ang nasabing halaga ay katumbas ng P204,000 (P68 = 1 British pound) https://goo.gl/65xn7V (WAKAS)

Use the Best Anti-Virus Protection. Pls follow the link: https://goo.gl/S5Bzjd



Linkback: https://tubagbohol.mikeligalig.com/index.php?topic=87651.0

Navigation

[0] Message Index