MikeLigalig.com

By Brigada News
𝗜𝗡𝗔𝗛𝗔𝗡 𝗔𝗥𝗘𝗦𝗧𝗔𝗗𝗢 𝗦𝗔 𝗣𝗔𝗚-𝗔𝗕𝗨𝗦𝗢𝗡𝗚
𝗦𝗘𝗞𝗦𝗨𝗪𝗔𝗟 𝗦𝗔 𝟮 𝗟𝗔𝗟𝗔𝗞𝗜𝗡𝗚 𝗔𝗡𝗔𝗞

Arestado ang usa ka 35-anyos nga inahan human niini giunay og baligya ang iyang duha ka anak nga lalaki sa internet ngadto sa iyang mga kostumer nga mga langyaw sa gihimong operasyon ning milabayng udto.
  Sa report gikan sa Police Regional Office (PRO) XI gitago lamang ang pangalan sa suspek nga si alyas  Connie nga giaresto didto sa Carmen, Davao del Norte nga gipangunahan sa sa Philippine National Police’s (PNP) Women ug Children Protection Center–Mindanao Field Unit (WCPC-MFU) ingon man Regional Anti-Cybercrime Unit (Racu)-Davao.
  Naluwas ang 4-anyos nga batang lalaki sa ilang gipuy-an samtang ang 11-anyos nga igsoon ang naluwas sa lain nga lokasyon.
  Giingong ginakuhaan og hulagway sa inahan ang duha ka bata samtang ginaabusong sexual og mao kini ang ginapadala sa iyang mga kliyente agi sa usa ka online messaging platform bugti sa salapi.
  Atol sa operasyon narekober sa cellphone sa suspek
ang mga hulagway sa iyang mga anak kung diin nasuta sa forensic analysis nga adunay komunikasyon si Connie ug ang usa ka Australian sex offender.
  Una niini dunay gi-refer ang Australian Federal Police labot sa Online Sexual Exploitation Of Children (OSEC) case sa kapolisan kung asa ang mga representante sa Department of Justice’s Inter-Agency Council Against Trafficking (DOJ-Iacat)–Davao ang nakiglambigit sa WCPC-MFU.
  Ginaandam na ang kaso ipasaka batok sa inahan nga posibleng mabilanggo sa tibook niyang kinabuhi gawas sa multang moabot ngadto sa P2 million ngadto na sa P5 million.
  Ang duha ka bata ang anaa sa kustodiya sa Department of Social Welfare and Development. 𝘽𝙉𝙁𝙈-𝘿𝙖𝙫𝙖𝙤

Get FREE 500GB online storage:
https://www.pcloud.com/welcome-to-pcloud/?discountcode=fDiE7jtC01VPbCIygaM67jZV



Linkback: https://tubagbohol.mikeligalig.com/index.php?topic=90487.0