Sinulat Ni Stephanie Viovicente-Berganio
Cagayan de Oro - DUHA ka managlahing kaso sa pagpanglugos ang natigayon ning siyudad sa Cagayan de Oro sa nilabay ang Semana Santa.
Unang biktima mao ang tres anyos nga si Jane (tinuod nga ngalan gipugngan), mulopyo sa Lapasan ning siyudad.
Nadiskubre ang pangpanglugos niadtong Sabado human hugot ang gihimong reklamo sa 3 anyos nga bata sa kasakit sa kinatawo niini. Nsayran nga petsa 1 pa sa Abril natigayong ang pagpanglugos.
Gipacheck-up sa inahan si Jane ug giingong positibong nahilabtan ang biktima hinungdan nga nagpatabang sa kapolisan sa Police Station 3 (PS3) sa Agora ang inahan ni Jane.
Gitumbok nga suspetsado ang silingan nga mao si Rey Valenzuela kinsa gawasnon ning panahona.
Gihikay na sa sakop sa Womens and Children Protection Desk (WCPD) sa PS3 ang kasong pagpanglugos batok sa suspetsado human desidido ang inahan sa biktima nga pasakaan kini og kaso.
Samtang niadtong Huwebes mga alas 3:40 sa hapon, nilanding sa Northern Mindanao Medical Center (NMMC) ang 13 anyos nga si Mari (tinuod nga ngalan gipugngan), nagpuyo sa Phase 2, Bugo ning siyudad sa Cagayan de Oro
Bun-og sa kalawasan ang naangkon ni Mari gikan sa iyang kaugalingon nga inahan human wala nagtuo sa nahitabong pagpanglugos niini.
Gitumbok nga suspetsado ang ama-ama niini, apan ang inahan ni Mari dili makatuo sa gihimo sa iyang bana-bana hinungdan nga giayo og sukmag si Mari.
Gisaysay ni Mari ang nahitabong pagpanglugos kaniya sa iyang ama-ama pipila na ka higayon ug nag-edad pa lamang kini og syete anyos.
Padayon nga gikonsumo ang biktima hangtod nag-edad na kini og 13 anyos ug ning uwahi niadtong Abril 1.
Gitug-an sa biktima ang nahitabo kaniya sa iyang usa ka higala hinungdan nga gitabangan kini pagtaho ngadto sa mismong uyoan.
Daw dili makatuo ang uyoan sa gihimo sa ama-ama niini hinungdan nga gikonpronta ang inahan ni Mari.
Apan ang inahan hinuon nasuko ug giayo og kulata ang biktima hinungdan sa pagkabun-og ug nilanding sa NMMC.
Nagpatabang sa kapolisan sa Police Station 6 sa Puerto ang biktima uban sa uyoan aron tukmang mapasakaan og kaso ang suspetsado uban sa inahan niini.
Gipatik sa mantalaang SuperBalita Cagayan de Oro Abril 5, 2010. - Sun Star Cagayan de Oro
Linkback:
https://tubagbohol.mikeligalig.com/index.php?topic=26723.0