GISUGDAN na sa Ormoc City ang paggamit sa speed gun karong adlawa, Lunes, Oktubre 3, 2022.
Pipila ka motorista ang nasita tungod sa sobrang padagan nga nilapas sa 60kph.
Matod ni Manny Sevilla sa LTO, kung naa sa highway nga dunay daghan namuyo ug naay skwelahan, dapat kutob lang sa 60kph ang dagan pero kung highway ug wala'y namuyo, pwede ra 80kph.
Giklaro usab sa mga awtoridad nga kung padung na mo sulod sa Ormoc City proper, dapat naa lang sa 30kph ang dagan.
"Ang purpose nato ani nga dapat makahibawo ang tanan motorista sa balaud sa trapiko especially sa speed limit. Atong ipahibawo sa tanan nga gi-implement na diri sa Ormoc City ang paggamit sa speed gun. So, careful ta kay para raman ni sa atoa safety" matod ni Sevilla
Gikalipay naman ni Congressman Richard Gomez ug Mayor Lucy Torres-Gomez ang pag-implementar sa speed gun nga maoy usa sa ilang gisiguro alang sa road safety.
"We are very pleased with the resumption of the use of Ormoc City speed radar gun to ensure the safety of motorists and the pedestrians in our roads. The LTO, TEAM and PNP will make sure to implement this program properly and sustainably." matod ni Gomez
Top priority karon sa LGU-Ormoc ang pagpalit og laing speed gun nga dunay mogawas nga resibo.
Ang implementasyon gipangunahan sa Land Transportation Office (LTO) pinangulohan ni Manny Sevilla; City Traffic Enforcement and Management Office (TEAM) pinangulohan ni Barnsby Cagang ug Ormoc City Police Office (OCPO) pinangulohan ni PCol. Nelvin Ricohermoso.
Ang Ormoc City ang labing unang lugar sa Eastern Visayas nga nagsugod paggamit sa speed gun. (JKDP)
* * *
Avail of easy and fast online loan at
www.tala.com Philippines
Linkback:
https://tubagbohol.mikeligalig.com/index.php?topic=123041.0
