Friday, November 16, 2012
SARANGANI -- Gisugyot karon nga ipahiling sa doktor ang lalaki nga naglugos og mga hayop sa pagtuo nga makabaton siya ug dagha’ng mga sakit.
Sumala ni Dr. Melly Lastimoso, pangulo sa Epidemiology and Surveillance Office sa City Integrated Health Services sa General Santos City, nga posibleng maka-angkon ug nagkadaiyang sakit si Diano (tinuod nga ngalan) human siya nakighilawas sa gansa, iro, ug anay nga baboy.
Gikanayon ni Lastimoso nga monituron si Diano sulod sa 24 oras aron mahibal-an kon duna ba siyay flu, ubo, pagpanugnaw, ug pagpanakit sa lawas.
Kahinumdoman nga si Diano mismo ang nagsulti nga iyang gipanamas-tamasan ang gansa nga gipanag-iyahan sa iyang amo nga usa ka pulis.
Gireklamo sab si Diano nga nakighilawas sa iro ug anay nga baboy nga maoy hinungdan sa kamatayon sa mga baktin niini.
Gibantayan pag-ayo karon si Diano sa iyang mga silingan kay basin gawas sa mga hayop, tawo na sab ang iyang luguson. (Sun.Star SuperBalita Davao/Sunnex)
http://www.sunstar.com.ph/superbalita-davao/balita/2012/11/16/naglugos-sa-gansa-baboy-ug-iro-gikabalak-ang-magkasakit-253626Linkback:
https://tubagbohol.mikeligalig.com/index.php?topic=58526.0
Topic: Naglugos sa gansa, baboy, ug iro gikabalak-ang magkasakit (Read 851 times)