2-ANYOS NGA BATANG WA NA MIGINHAWA NASALBAR SA MGA PULIS
DAVAO CITY - Nasalbar sa mga sakop sa 2nd Davao del Sur Provincial Mobile Force Company ang usa ka 2-anyos nga batang lalaki nga nawad-an og ginhawa samtang bitbit sa amahan niadtong Lunes, Septyembre 19.
Gikan sa Police Regional Office XI ang mga pulis, pauli na unta sa Davao del Sur sa dihang naagian nila sa C.P Garcia Highway (Diversion road) ang usa ka lalaki nga may kargang bata nga naghilak ug nag sigeg ambak-ambak sa kalsada.
Sa dihang ila kining giduol, wa na diay nag-ginhawa ang batang karga niini.
Daling gitabangan sa mga pulis ang mag-amahan ug samtang anaa nakasakay sa mobile patrol mihimo og CPR si Patrolman John Kenneth Sabuga-a ngadto sa bata hangtud nga nakarecover kini.
Bisan og naulian na ang bata gidala gihapon kini sa mga pulis sa Southern Philippines Medicel Center diin kini naka-admit.
Mapasalamaton ang amahan sa bata nga si Angelo Julom, 23-anyos nga taga Brgy. Apokon, Tagum City sa tabang sa mga pulis.
Ang mga pulis sakop sa 2nd DSPMFC anaa ubos sa pagdumala ni PLt. Colonel Jacy Jay Francia.
| via Cheche Diabordo
#kammmedianetwork
2nd DSPMFC
news.mikeligalig.comLinkback:
https://tubagbohol.mikeligalig.com/index.php?topic=122986.0
