PERSONAL NGA PAGPADALA NISAKA SA US$19.5 BILYONES SA UNANG WALO KA BUWAN SA 2016
Ang personal nga pagpadala sa mga Overseas Filipinos (OFs) sa Agosto 2016 kay nisaka ug 16 ka porsyento year-on-year ug niabot ug US$2.6 bilyones, niana karung adlawa ang Bangko Sentral ng Pilipinas Officer-in-Charge Nestor A. Espenilla. Kung basihan sa year-to-date, ang personal nga pagpadala sa unang walong buwan sa 2016 kay nidako ug 4.4 porsyento kumpara sa niaging tuig ug karun kay US$19.5 bilyones na. Ang kadakan sa personal nga pagpadala kay gilangkoban sa pagbalhin sa mga land-based nga trabahante nga nay contrata ug isa ka tuig ug labaw pa (US$15.1 bilyones) ug sa mga pagpadala pud nga gikan sa mga sea-based ug land-based nga trabahante nga naay contrata nga di mulapas ug isa ka tuig (US$4.1 bilyones).
Ang kwarta nga pagpadala sa mga OFs nga gipaagi sa bangko kay nirehistro ug pagsaka ug 16.3 porsyento sa Agosto 2016. Ang nagdugangdugang nga pagpadala sa unang walong buwan sa 2016 kay nisaka ug 4.6 porsyento nga mutotal sa US$17.6 bilyones. Sa particular, ang kwarta nga pagpadala sa mga land-based nga trabahante kay nisaka ug 6.5 porsyento sa US$13.1 bilyones samtnag ang sa mga sea-based nga trabahante kay niubos ug 1.9 porsyento ug niabot sa US$3.8 bilyones. Mga 80 porsyento sa mga kwarta nga pagpadala kay gika sa United States, Saudi Arabia, the United Arab Emirates, Singapore, the United Kingdom, Japan, Qatar, Hong Kong, ug Germany.
Linkback:
https://tubagbohol.mikeligalig.com/index.php?topic=83058.0