by Rey Anthony Chiu
Nag-una ang lalawigan sa
Bohol sa gitawag nga 2011 Nationwide Search for Outstanding Philippines Organic Agriculturist Award sa kategorya nga local government unit (LGU).
Mao kini ang gibutyag ni Gobernador Edgar Chatto kagahapon atol sa ika-10 nga HEAT-
Bohol Caravan nga gipahigayon didto sa lungsod sa San Miguel.
Ang maong pasidungog nagtinguha sa pagtabang sa kagamhanan sa mga palisiya niini kabahin sa paggamit sa mga
organic agriculture pinaagi sa pakigtambayayong sa pribadong sektor, sa Department of Agriculture (DA) ug sa iyang mga ahensiya ug Agri Aqua Network International Inc.
Ang maong
proyekto gitinguha usab nga maoy mamahimong usa ka maayong ehemplo sa Private-public partnership ug uban pang mga kalihokan sa pagtinabanggay.
Si Provincial Agriculturist Larry Pamugas sa Provincial Agriculture Office ug ang Socio-Economic and Environment Management Cluster Head nga si Liza Quirog maoy midawat kagahapon sa maong pasidungog didto sa Commission Officer’s Clubhouse sa Camp Aquinaldo, Quezon City sa ngalan ni
Gob. Chatto, kinsa maoy nag-preside usab sa Provincial Peace and Order Council meeting kagahapon didto sa lungsod sa San Miguel.
Linkback: https://tubagbohol.mikeligalig.com/index.php?topic=48220.0
