Ang Lungsod Namong Mabini!
Gihan-ay ni Estong O.
Ako’ kamo karong suginlan ug asuyan,
Sa lungsod nga akong gikahimugso-an.
Sa Biente –dos ka baryo nga iyang gilangkuban,
Ang katawhan ug ang ilang panginabuhi-an!
Ang baryo sa
“TANGKIGAN.â€Ubay-ubay ang ilang panginabuhi-an.
Lumulupyo sa kwarta dili kawad-an,
Samtang dili mapanas ang kalubi-an ug kanipa-an!
Ang mga baryo sa
“CABIDIAN†ug
“BULAWANâ€.Abunda sa mga kadumahan ug ka-cacao-wan,
Ang ilang sikwati’ng espiso dili katagbawan.
Pinarisan sa bibingka ug suman!
Ang baryo sa
“CAWAYANANâ€.Ginagmay’ng panagat ug panglabas ang panginabuhi-an.
Ang kainit ug katunag gi-antos ang tanan,
Sa pamilya mahatag lang ang panginahanglan!
Ang baryo sa akong katigulangan, ang
“MINOLâ€.Panginabuhi-an kasagaran pamaling ug pamasol.
Apan ang katawhan walay pagbasol,
Sa gasa sa kadagatan nga dili ikagu-ol!
Ang baryo sa
“CONCEPCIONâ€.“BANLAS†ang kanhi-ay nilang ingon.
Pagtuo sa katawhan, panginabuhi-an kanunay pagabanlason,
Maong gihinganlan nalang sa mahal nilang debosyon!
Ang baryo sa
“TAMBOâ€.Mga tawo yano ang pamuyo.
Sa gabii, sayo mopahulay ang mga minyo,
Tungod sa mga imbaw ug takubo!
Kun maghisgot kita ug mga baryo,
Nga kapangalan sa ilado ug banggi-ita’ng mga tawo,
Anaa sila ni
“ABAD SANTOSâ€, “DEL MAR†ug
“MARCELOâ€.Nakigbisog sa nasud tang Pilipino!
May mga baryo nga dili ninyo matayo-tayo!
“SAN ROQUEâ€, “SAN RAFAELâ€, “SAN JOSE†ug “SAN ISIDROâ€.Sa langit sila tu-a didto,
Maoy tigpataliwala sa Ginoo ug sa Buhing mga Tawo.
Ang mga baryo sa
“BAYBAYON†ug “LUNGSODAANâ€.Dagkong mga panagat ang ilang panginabuhi-an.
Usa ka lungsodnong tuburan,
Paninguha-an sa mga gihan-ay’ng kalambo-an!
Ang baryo sa
“AGUIPOâ€.Maoy ilado sa tanang mga baryo.
San Vicente Ferrer daghang deboto,
Manimba ug managkot didto!
Ang baryo sa
“ABACAâ€.Kahumayan labihang daku-a!
Kung ikaw mahigugma sa ilang mga dalaga,
Ago’y swerte ka! Kay sila makabuhi na ug bana!
Ang “Vallecera- Lagala†kun
“VALAGA†nga baryo,
“BINIT†ang tawag nila kaniadto.
Pangalan kinuha sa duha ka apelyido,
Pagtahud sa duha ka bantugang mga tawo!
Kun ang
“POBLACION DOS†adunay munisipyo!
Kami usab sa
“POBLACION UNO†adunay merkado publiko!
Maoy centro sa tanang mga baryo,
Bibo, labina sa fiesta sa Oktubre ug Mayo!
Ug sa katapusan, ang layo ug mamingaw nga baryo,
Apan maoy gipangandoy sa tanang mga tawo.
Lugar nga maoy gisaad sa atong Ginoo,
Magpuyo uban kaniya didto sa
“PARAISOâ€!