DEAR Noy Kulas,
Tawga lang ko sa name nga Ms. B. Ang akong problema bahin sa duha ka mga lalake ug sa akong American sponsor. Inahan ko, apan di mi kasado sa amahan sa akong anak. My daughter is four years old. Akong gibilin akong anak sa iyang papa nga tawgun nato og Mr. E.
Maayo man among panagkuyog sa una sa pagbiya nako diha sa Pilipinas. Hangtod karon maayo lang gihapon ang among communication ni Mr. E. Naghuwat intawon nako nga mobalik ko niya. Bag-o lang siya nadawat pagkapulis. So, that means nga naa na gyod matawag nato nga stable na ang iyang job. I know nga mahal gyod ko niya. Ten years na ang among relasyon. Pero tungod lagi nga may oppurtunity abroad, napugos gyod ko pagbiya nilang duha.
Naa ko karon sa laing nasod. Estudyante ko diri. I came here through as a student visa. It is a miracle that happened in my life. There is an american sponsor who sponsored me to come over here in the United States. She is 88 years old.
I stayed in her house. Duha na ko ka tuig diri sa akong sponsor nagpuyo. Siya ang nagbayad sa akong school, books, food, shelter and uban pa. Unsay naay sa balay makagamit ko. In fact she is a loving person. Caring kaayo siya nako. She treats me like her family. Every night before she goes to bed, she always tell me that she loves me because I am hers. Grabe gyod kaayo ang iyang pagka sweet nako. Before I came here we did have an agreement nga sila ang family mogasto sa akong school in return akoy magbantay sa tiguwang during the night time because iyang mga anak wa diri nagpuyo sa duol.
So, karon, ang akong visa mo-expire karong tuiga. Unya di pa lagi ko gusto mouli diha tungod kay una, wa gyod tawon koy mahimo diha sa atoa. Di parihas diri nga bisan unsa akong buhaton makakwarta man sad ko ginagmay ug mao pod akong gigamit pagsuporta sa akong anak nga naa diha sa Pilipinas. wa gyod koy problema diri sa tiguwang financially kay adunahan man sad. Every semester permi gyod na i-full paid akong school bisan akong books. Ang akong problema, kay ang akong visa mo expire karong tuiga. Tungod lagi nga dili pa ko gusto nga mopauli diha, nag-date ko og Puti pamasin nga kon pakaslan ko ni puti, ma-adjust ang akong status mahimo nga permanent resident diri.
Tuod man ang Puti nakagusto sa akoa ug ako pod naa say pagbati niya. Nag-date mi ni Puti for almost 10 months na. Karon, si Puti nagsige na og panghagad nako og minyo apan ako na pod ang di tungod sa daghan nga complication. Niingon si puti why nga siya daw ang mopatiwas nako og eskwela. Ikaduha tabangan ko niya nga makuha nako akong anak sa Pilipinas. Stable pod hinuon og work si Puti. Daghan kaayo siya og maayong mga plano para nako. Apan ang pangutana tumanon ba kaha ni Puti ang iyang mga plano kon mobalhin ko didto niya?
Noy, I don’t know what to do now! Magpakasal na lang ba kaha ko ni Puti para ma adjust akong status? Unsaon man nako pag-ingon ang family sa tiguwang ug ang tiguwang nga sila ra ba ang naggasto tanan sa pag-ari nako diri? Unsaon na man lang ang akong anak?
Unsaon na man lang nako ang amahan sa akong anak? Ihatag ba kaha niya ang akong anak if ever magpakasal ko ni Puti? Noy, naglibog gyod ko.
(sumpayan)Gipatik sa mantalaang SuperBalita Cebu Marso 12, 2011.
Linkback:
https://tubagbohol.mikeligalig.com/index.php?topic=38865.0
Topic: Tambagi ko Noy Kulas: Pinoy o Puti? (Read 2645 times)