Ako si Worried Girl. Ang akong problema dako kaayo, mahitungod sa akong bayaw.
Nagsugod ni sa miaging tuig diin siya magsige og pamuso sa nako. One time akong siyang nasakpan nga namuso sa among kwarto. Iyang gipangitaan og paagi nga makalili siya ug ako adto nga time nakatago ko. Ako siyang gibantayan then usahay magpasumangil siya og bag-id sa among parte sa lawas nga maora og magpasumangil nga wa gituyo.
Mamuso pud siya, labi na comfort room. Mangurog gud ko sa kahadlok ug di na ko katiwas og ligo kay maklaro man nimong naay namuso. Di na ko ganahan managad sa akong bayaw.
Ako man unta siyang girespeto og maayo kay lagi bana sa akong ate apan karon maora na og demonyo akong tan-aw niya. Di gyud ko ganahan makakita sa iyang nawong. Ang ako gyud problema, Noy Kulas, kay akong pag-umangkon naa man gud ni silay anak babaye, gwapa ug pution. Akong gikabalak-an kay basin kon unsay mahitabo sa akong pag-umangkon. Two years old pa raba. Nagbuhat man siya og dautan diri sa amo. Basin palayo lang gyud nga di niya mabuhat sa iyang anak. Nahadlok ko, Noy Kulas, sama sa balita karon nga ang amahan mounay sa ilang anak. Di lang gyud intawon mahitabo, palayo lang.
Mabalaka lagi ko. Usahay mangulba gud ko kon mokalit lang og hilak akong pag-umangkon nga siya rangsa. Bisan unsa na lagi ang masud sa akong utok tungod sa nahitabo nako.
Wa pa nako nasultihan akong ate ani hitaboa kay basin magkalalis, mag-away ug maguol akong ate. Tambagi ko unsa akong buhaton. Worried ko sa akong pag-umangkon.
Di ko gusto nga naay dautang mahitabo sa akong pag-umangkon. Ang akong ate man nag work then gabii na maabot. Manghinaot unta ko nga makabasa siya ani ug manghinaot ko nga mag-bag-o na siya.
WORRIED GIRL
Linkback:
https://tubagbohol.mikeligalig.com/index.php?topic=41960.0